റാം സാഗർ തമ്പുരാൻ, ഫോൺ: 8301036352, വാട്സാപ്പ് : 9633721128, ഇ -മെയിൽ : samkhiyarathnam@gmail.com
അശ്വതി: ഇടപാടുകൾ കാരണം മനോദുഃഖം, വിലപിടിച്ച സംഗതികൾ മോഷണം പോകും. ദാമ്പത്യ വിഷയങ്ങളിൽ അസുഖകരമായ അവസ്ഥ, ശത്രു ദോഷം.
ഭരണി: ശാരീരികമായി ചെറിയ അസ്വസ്ഥത ഉണ്ടാകാം, പലവിധത്തിലുള്ള ധൂർത്ത്, കലഹങ്ങൾ ഉണ്ടാകാതെ നോക്കണം. സ്ത്രീ സംബന്ധ വിഷയങ്ങളിൽ കരുതൽ വേണം.
കാർത്തിക: പരിതസ്ഥിതികളിൽ ആത്മനിയന്ത്രണം പാലിക്കുക, സ്ത്രീകൾ മൂലം ചെലവ് കുടിയിരിക്കും, രോഗങ്ങൾ കൊണ്ടുള്ള ധനചെലവ്.
രോഹിണി: സുഖാനുഭവങ്ങൾ, ഉന്നതസ്ഥാനീയരിൽ നിന്നും സഹായ സഹകരണങ്ങൾ, ഉല്ലാസ യാത്രയിൽ ആഗ്രഹസാഫല്യം. ആദർശം വിട്ടു ഒന്നും ചെയ്യില്ല, കുടുംബ ചുമതലകൾ ഉത്തരവാദിത്തതോടെ നിറവേറ്റും.
മകയിരം: വാക്ക് പാലിക്കാൻ സാധിക്കും, അന്യരെ സഹായിക്കാൻ ഉള്ള മനസുണ്ടാകും, സാംസ്‌കാര സമ്പന്നമായി പെരുമാറും, വിദേശത്ത് ജോലി ചെയ്യുന്നവർക്ക് നല്ലസമയം.
തിരുവാതിര: സാമ്പത്തിക നേട്ടം പ്രതീക്ഷിക്കാം, ഇഷ്‌ടജന സംരക്ഷണം, ദീർഘദൂര യാത്ര മൂലം ധനലാഭം, വ്യാപാര സംരംഭത്തിൽ കൂടി നേട്ടം ഉണ്ടാകും, ജനപ്രീതിയും അംഗീകാരവും.
പുണർതം: സാമ്പത്തിക നേട്ടം പ്രതീക്ഷിക്കാം. അനുകൂലമായ വിവാഹ ബന്ധം കിട്ടും, മംഗളകർമ്മങ്ങൾക്ക് സാക്ഷിയാകും, ബുദ്ധിപരമായി കാര്യങ്ങൾ നീക്കും, മനോദുരിതത്തിൽ നിന്നും മോചനം.
പൂയം: നഷ്ടപ്പെട്ടെന്നു കരുതിയ രേഖകൾ തിരികെ ലഭിക്കും, സർക്കാരിൽ നിന്നും അനുകൂലമായ നടപടി, സഹായത്തിനായി സമീപിക്കുന്നവരെ നിരാശപ്പെടുത്തില്ല.
ആയില്യം: അംഗീകാരവും യാത്രാഗുണവുമുണ്ടാകും, വ്യവഹാരവിജയം, ദേവാലയദർശനം, പ്രാർത്ഥനക്ക് ഫലം കിട്ടും, പങ്കാളിക്ക് സമ്മാനങ്ങൾ ലഭിക്കും.
മകം: സഹോദര സ്ഥാനീയരുമായി കലഹത്തിനു സാദ്ധ്യത, സ്ത്രീ സംബന്ധ വിഷയങ്ങളിൽ കരുതൽ വേണം, സാമ്പത്തിക പ്രശ്‌നങ്ങൾ രൂക്ഷമാകും.
പൂരം: അമിതമായ ആത്മവിശ്വാസം ആപത്ത് വരുത്തും. ബന്ധുക്കളിൽ നിന്നുമുള്ള എതിർപ്പുകൾ, ദൂരയാത്രാക്ലേശം, ഉന്നതരിൽ നിന്നും വിഷമകരമായ പ്രവൃത്തികൾ.
ഉത്രം: യാത്ര മൂലം കഷ്‌ടപ്പാട്, കോപം നിയന്ത്രിക്കണം, രോഗം അലട്ടും, കർമ്മ രംഗത്ത് പ്രതിസന്ധി തരണം ചെയ്യേണ്ടി വരും. ചിട്ടി, ബാങ്ക് എന്നിവ മുഖേന പ്രയാസങ്ങൾ.
അത്തം: സ്ത്രീകളെ വിശ്വസിക്കരുത്. ദുർവാശി മൂലം ദുരിതത്തിലാഴ്ത്തുന്ന സാഹചര്യം വന്നു ചേരും, വാക്കുകൾ പ്രയോഗിക്കുന്നത് വളരെ സൂക്ഷിച്ചു വേണം.
ചിത്തിര: ബുദ്ധിപരമായി വിശകലനം ചെയ്തു നോക്കി മാത്രം തീരുമാനങ്ങൾ എടുക്കും, സന്താനങ്ങൾ മൂലം കഷ്ടപ്പാടുകൾ, സ്ഥാനമാറ്റം, താഴ്ത്തപ്പെടൽ എന്നിവ അനുഭവത്തിൽ വരും.
ചോതി : ധനത്തിനായി അന്യരെ ആശ്രയിക്കേണ്ടി വരും, ഇഷ്‌ടമല്ലാത്തവരുമായി സഹകരിക്കേണ്ടി വരും, തടസങ്ങൾ നേരിടും, സ്വന്തം നേട്ടം ലാക്കാക്കി പലരും അടുത്തുകൂടി ചതിക്കാൻ നോക്കും.
വിശാഖം: ശാരീരികവും മാനസികവുമായി ഉന്മേഷക്കൂടുതൽ, ശത്രു ജയം, പഴയകാല സുഹൃത്തുകളെ കണ്ടുമുട്ടും. സ്ത്രീകൾ മുഖേന സന്തോഷം, ബന്ധുക്കളുടെ എതിർപ്പുകളെ അതിജീവിക്കാൻ സാധിക്കും.
അനിഴം: സ്ത്രീകൾക്ക് സമ്മാനാദിലാഭം, പുതിയ അവസരങ്ങൾ തൊഴിലിലും കലാരംഗത്തും, പണമിടപാടുകളിൽ നേട്ടം, അന്യദേശ വാസം ഗുണം ചെയ്യും, രോഗങ്ങൾക്ക് ആശ്വാസം.
കേട്ട: ആഡംബരത്തിനോട് താൽപ്പര്യം കൂടും, പൊതുജനാനുകൂല്യം, അധികാരികളുടെ പ്രീതി ലഭിക്കും, തൊഴിൽ മേന്മ, പേരും പെരുമയും ഉണ്ടാകും, നിർമ്മാണ പദ്ധതികൾക്ക് തുടക്കം കുറിക്കും.
മൂലം: എല്ലാ കാര്യത്തിലും വിജയം, ഇഷ്‌ട ഭക്ഷണലബ്ദി, ധന നേട്ടം. സമ്മാനാദി ലാഭം, തൊഴിൽ മേഖലയിൽ മേന്മ. എതിർക്കുന്നവരെ കീഴ്‌പ്പെടുത്തും.
പൂരാടം: ഏറ്റെടുത്ത സംഗതികൾ ഉത്തരവാദിത്തത്തോടെ ചെയ്തു തീർക്കും. കുടുംബകാര്യങ്ങളിൽ മുമ്പില്ലാത്ത കരുതൽ കാണിക്കും, പൊതുജനങ്ങളുമായി നല്ല ബന്ധം സ്ഥാപിച്ചെടുക്കും, പുതിയ അവസരങ്ങൾ, ദാമ്പത്യ വിഷയങ്ങളിൽ പൊതുവേ സുഖം.
ഉത്രാടം: ശത്രുക്കൾ ഒഴിഞ്ഞുപോകും, ദാമ്പത്യം സന്തോഷപ്രദം, പ്രണയ കാര്യങ്ങളിൽ അനുകൂല തീരുമാനം, ശത്രുവിന്മേൽ വിജയം, ആഢംബര ഭ്രമം, ദാമ്പത്യ സുഖം, സംസാരിച്ച് മറ്റുള്ളവരെ വശത്താക്കും.
തിരുവോണം: ഗുരുഭക്തി, ധനാഭിവൃദ്ധി, കുടുബസുഖം, ലളിതകലകളിൽ താൽപ്പര്യം പ്രകടിപ്പിക്കും, ആചാര മര്യാദകൾ പാലിക്കും. ബുദ്ധിപരമായി കാര്യങ്ങൾ നിർവഹിക്കും, ആനുകൂല്യങ്ങൾ ലഭിക്കും, സ്ത്രീകൾ മൂലം അംഗീകാരം ലഭിക്കും.
അവിട്ടം: അപമാനം, ധനനഷ്ടം, യാത്രയിൽ അസ്വസ്ഥതകൾ, കുടുംബത്തിൽ കലഹം ഉണ്ടാകും, ഗൃഹത്തിൽ ചില അസ്വസ്ഥതകൾ.
ചതയം: സന്തോഷപ്രദമായ സാഹചര്യം വർദ്ധിക്കും, ജോലി ലഭ്യത, സുഖസൗകര്യങ്ങൾ വർദ്ധിപ്പിക്കും. സുഹൃത്തുക്കളെ കൊണ്ട് ഉപകാരങ്ങൾ, ഉപകാര സ്മരണ കാണിക്കും. സാമ്പത്തിക പ്രശ്നങ്ങൾക്ക് പരിഹാരമുണ്ടാകും.
പൂരുരുട്ടാതി: സാമ്പത്തിക പ്രശ്നങ്ങൾക്ക് നിയമപരിരക്ഷ വേണ്ടിവരും, സർക്കാർ ജോലിയിലരിക്കുന്നവർക്ക് ബുദ്ധിമുട്ടുകൾ, വീട് വിട്ടു താമസിക്കേണ്ടി വരും, കള്ളം പറയേണ്ട അവസ്ഥ വന്നു ചേരും.
ഉത്രട്ടാതി: പരസഹായത്താൽ സുഖാനുഭങ്ങൾ, എതിർലിംഗത്തിലുള്ളവരോട് താൽപര്യം കൂടും, പൊതു പ്രവർത്തകർക്ക് മാനഹാനിയും പണച്ചെലവും.
രേവതി: പ്രത്യേകമായ ഒരു വശ്യശക്തി നിഴലിച്ചു നിൽക്കും, ശത്രു ദോഷം, ചിട്ടി ബാങ്ക് എന്നിവ മുഖേന പ്രയാസങ്ങൾ, സാമ്പത്തിക പ്രശ്‌നങ്ങൾ രൂക്ഷമാകും.