തൃശൂർ: യുവാവിനെ വീട്ടിൽക്കയറി കുത്തിക്കൊന്നു. തൃശൂർ കേച്ചേരി സ്വദേശി ഫിറോസ്(40) ആണ് കൊല്ലപ്പെട്ടത്. ഇന്ന് പുലർച്ചെയായിരുന്നു സംഭവം. ഫിറോസ് താമസിക്കുന്ന വാടക ക്വാർട്ടേഴ്സിലേക്ക് മാരകായുധങ്ങളുമായെത്തിയ അക്രമികൾ, വയറ്റിൽ കുത്തുകയായിരുന്നു.

ഉടൻ തൃശൂർ മെഡിക്കൽ കോളേജ് ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. കുന്നംകുളം പൊലീസ് സ്ഥലത്തെത്തി അന്വേഷണം ആരംഭിച്ചു. ആക്രമണത്തിന് പിന്നിൽ രണ്ടംഗ സംഘമാണെന്ന് പൊലീസ് അറിയിച്ചു. മത്സ്യ മാർക്കറ്റിലെ തൊഴിലാളിയാണ് ഫിറോസ്. ഇയാൾ ഒരു തട്ടിപ്പ് കേസിലെ പ്രതിയാണ്.