മസ്‌കറ്റ്: വേൾഡ് അത്‌ലറ്റിക്സ് റേസ് വാക്കിംഗിന്റെ ടീം ഇനത്തിൽ ഇന്ത്യൻ വനിതകൾക്ക് വെങ്കലം.മസ്കറ്റിൽ നടക്കുന്ന ചാമ്പ്യൻഷിപ്പിൽ 20 കിലോമീറ്റർ ടീം ചാമ്പ്യൻഷിപ്പ് ഇനത്തിലാണ് ഇന്ത്യൻ വനിതകൾ ചരിത്രനേട്ടം സ്വന്തമാക്കുന്നത്. ഭാവന ജാട്ട്, രവീണ, മുനിത പ്രജാപതി എന്നിവരടങ്ങുന്ന സംഘത്തിന്റെ മികച്ച പ്രകടനമാണ് ഇന്ത്യക്ക് മെഡൽ നേടാൻ സഹായിച്ചത്.
ടീം ചാമ്പ്യൻഷിപ്പിൽ ഒരു രാജ്യത്തിൽ നിന്ന് പങ്കെടുക്കുന്ന എല്ലാ താരങ്ങളുടെയും പ്രകടനം കണക്കിലെടുത്താണ് മെഡലുകൾ നിർണയിക്കുന്നത്. ഇന്ത്യൻ സംഘത്തിൽ രവീണയാണ് ഏറ്റവും മികച്ച പ്രകടനം പുറത്തെടുത്തത്. ഒരു മണിക്കൂറും 40 മിനിട്ടും 22 സെക്കൻഡുമെടുത്ത് രവീണ പതിനാലാമതായി ഫിനിഷ് ചെയ്തപ്പോൾ, ഭാവനാ ജാട്ട് (1:43:08) 21ാം സ്ഥാനത്തും മുനിത (1:45:03) 26 ാം സ്ഥാനത്തും ഫിനിഷ് ചെയ്തു. ചാമ്പ്യൻഷിപ്പിൽ ചൈന സ്വർണവും ഗ്രീസ് വെള്ളിയും നേടി.
Bronze medal: Indian women’s 20km walk team, comprising Ravina, Bhawna Jat & Munita Prajapati made history by winning the first ever medal in the 61-year history of the World Athletics Race Walking Team Championships at Muscat, Oman - today evening.
— Athletics Federation of India (@afiindia) March 4, 2022
Congratulations to winners !!! pic.twitter.com/6MQJcjtgZL