തിരുവനന്തപുരം: സംസ്ഥാനത്ത് ഇന്ന് ഒറ്റപ്പെട്ട സ്ഥലങ്ങളിൽ വേനൽമഴയെന്ന് കാലാവസ്ഥ വകുപ്പിന്റെ പ്രവചനം. കൊല്ലം, പത്തനംതിട്ട, ആലപ്പുഴ, എറണാകുളം ജില്ലകളിൽ ഇന്ന് മഴയുണ്ടായേക്കും. വൈകിട്ടോടെ തിരുവനന്തപുരത്തെ മലയോര മേഖലകളിൽ മഴയ്ക്ക് സാദ്ധ്യതയുണ്ട്.

വരും ദിവസങ്ങളിൽ തീരദേശത്തും മലയോര മേഖലയിലും ചൂട് കുറയും. അടുത്തയാഴ്ചയോടെ ബംഗാൾ ഉൾക്കടലിൽ ന്യൂനമർദം രൂപപ്പെടും. അതോടെ സംസ്ഥാനത്തൊട്ടാകെ വേനൽമഴ ലഭിക്കാൻ സാദ്ധ്യതയുണ്ടെന്നാണ് കാലാവസ്ഥ വകുപ്പിന്റെ പ്രവചനം.തെക്കൻ കേരളത്തിലാണ് കൂടുതൽ മഴ ലഭിക്കുക.

കഴിഞ്ഞ 24 മണിക്കൂറിൽ കൊല്ലം, തൃശൂർ ജില്ലകളിൽ താപനില 38 - 39 ഡിഗ്രി സെൽഷ്യസ് വരെ ഉയർന്നിരുന്നു.