റാം സാഗർ തമ്പുരാൻ, ഫോൺ: 8301036352, വാട്സാപ്പ് : 9633721128, ഇ -മെയിൽ : samkhiyarathnam@gmail
അശ്വതി: എല്ലാകാര്യത്തിലും ഭാഗ്യം അനുകൂലമായി നില്‍ക്കും, ഉത്തരവാദിത്തത്തോടെ ജോലികൾ ചെയ്തു തീര്‍ക്കും, കലാപരമായ കാര്യങ്ങള്‍ക്കായി കൂടുതല്‍ സമയം ചെലവഴിക്കും, പുതിയ ജോലിക്കുള്ള അറിയിപ്പുകള്‍ കിട്ടും, മനസമാധാനം ലഭിക്കും.
ഭരണി: ദാമ്പത്യ സുഖകൂടുതല്‍, രോഗശാന്തി ഉണ്ടാകും, സാമ്പത്തികമായി മേന്മയുള്ള സമയം, ഹോട്ടല്‍ രംഗത്ത് നിന്നും കൂടുതല്‍ വരുമാനം, വാഹനഭാഗ്യം സിദ്ധിക്കും, അസ്ഥിയ്ക് ഉണ്ടായിരുന്ന വേദനയ്ക്ക് നേരിയതോതില്‍ ശമനം ഉണ്ടാകും.
കാര്‍ത്തിക: മക്കളുടെ വിവാഹത്തിനുണ്ടായിരുന്ന തടസങ്ങള്‍ അകലും, സ്ത്രീകള്‍ക്ക് തൊഴില്‍ രംഗത്ത് നിന്ന് അഭിമാനവും അംഗീകാരവും ലഭിക്കും, ആഭരണങ്ങള്‍ കിട്ടും,അപ്രതീക്ഷിത ധനനേട്ടം ഉണ്ടാകും.
രോഹിണി: വാഹന ക്രയവിക്രയങ്ങളില്‍ ലാഭവും നേട്ടവും ഉണ്ടാകും, സര്‍ക്കാര്‍ ആനുകൂല്യം കിട്ടും, സ്വന്തം കൗശലം കൊണ്ട് ദുഷ്കരമായിരുന്നു എന്ന് കരുതിയിരുന്ന സംഗതികള്‍ വരുതിയിലാക്കും, സമ്മാനാദികൾ ലഭിക്കും, ആഡംബര വസ്തുക്കളുടെ ശേഖരം വര്‍ദ്ധിപ്പിക്കും.
മകയിരം: കരാറുകളിലൂടെ ധനപ്രാപ്തി, ആരോപണങ്ങള്‍ അടിസ്ഥാനരഹിതമായിരിക്കും, ആപത്തുകളില്‍ നിന്നും അത്ഭുതകരമായി രക്ഷപെടും, പിതാവില്‍നിന്നും അനുകൂല നിലപാട്, മനസുഖം ലഭിക്കും.
തിരുവാതിര: അന്യരുടെ പ്രയാസത്തില്‍ ആശ്വാസം കൊടുക്കും, യാത്രയില്‍ നേട്ടം, ദാനകര്‍മങ്ങള്‍ നടത്തും, അഭിമുഖങ്ങളിൽ ജയം, കുടുംബ ഭദ്രത കൈവരിക്കും, ജോലിയില്‍ നിന്നും കൂടുതൽ വരുമാനം ലഭിക്കും, തെറ്റിദ്ധാരണകള്‍ മാറിക്കിട്ടും.
പുണര്‍തം: ജോലിഭാരം കുറയും, മറ്റുള്ളവരുടെ സഹായത്താല്‍ കാര്യങ്ങള്‍ അനുകൂലമാകും, കുടുംബത്തില്‍ സമാധാനം ലഭിക്കും, ധനനേട്ടം, ദാമ്പത്യ സുഖം, ഇഷ്ടഭക്ഷണം ലഭിക്കും, വിനോദയാത്രകൾ നടത്തും.
പൂയം: ഗൃഹ വാഹന ഉദ്യോഗ ലാഭം, രാജ ബഹുമാനം, അസാദ്ധ്യമെന്നു കരുതി മറ്റുള്ളവര്‍ കളയുന്ന കാര്യത്തെ വിജയത്തിലെത്തിക്കും, ഗുരു കാരണവന്മാരുടെയും, ഗുരുനാഥന്മാരുടെയും അനുഗ്രഹവും ആശീർവാദവും ഏറ്റുവാങ്ങി മുന്നോട്ടു പോകും.
ആയില്യം: വിശിഷ്ട വസ്ത്രാഭരണ ലാഭം, അലസത വിട്ടൊഴിയും, പൊതുരംഗത്ത്‌നേട്ടം, പുരസ്‌കാരം ലഭിക്കും , നേതൃ സ്ഥാനമലങ്കരിക്കൽ, വളരെകാലമായി തീര്‍പ്പ് കല്‍പ്പിക്കാതെ കിടന്ന വ്യവഹാരങ്ങളില്‍ തീര്‍പ്പാകും, വിശിഷ്ട വ്യക്തികളുമായി സമ്പര്‍ക്കമുണ്ടാക്കി നേട്ടങ്ങള്‍ കൊയ്യും.
മകം: ജീവിതാഭിലാഷങ്ങള്‍ യാഥാര്‍ത്ഥ്യമാകും, പുന പരീക്ഷയില്‍ വിജയിക്കും വ്യവസ്ഥകള്‍ക്ക് വിധേയമായി പ്രവൃത്തി മണ്ഡലങ്ങള്‍ക്ക് തുടക്കം കുറിക്കും, ചലച്ചിത്ര രംഗത്തുള്ളവര്‍ക്ക് അനുകൂല സമയമാണ്, അര്‍ഹമായ പൂര്‍വികസ്വത്ത് രേഖാപരമായി ലഭിക്കും, ഭൂമിവില്‍പ്പന സഫലമാകും.
പൂരം: കലാസാംസ്‌കാരിക രംഗത്തുള്ളവർക്ക് ശോഭിക്കാൻ സാധിക്കും, സഹോദരങ്ങള്‍ വഴി നേട്ടങ്ങൾ കൈവരിക്കും, ഉത്സാഹം, കാര്യനിര്‍വഹണശക്തി തുടങ്ങിയവ വര്‍ദ്ധിക്കും, തൊഴിലില്‍ മേന്മകള്‍, കുടുംബ കാര്യത്തില്‍ ശ്രദ്ധ കേന്ദ്രീകരിക്കും.
ഉത്രം: വില കൂടിയ സമ്മാനങ്ങളോ അംഗീകാര പത്രങ്ങളോ കിട്ടും, കുടുംബജീവിതത്തില്‍ ശാന്തിയും സമാധാനവും വർദ്ധിക്കും, സുഖാനുഭവങ്ങള്‍ ഉണ്ടാകും, ആരോഗ്യപരിപാലനം നടത്തും, പുതിയ അവസരങ്ങള്‍ ലഭിക്കും.
അത്തം: സന്താനങ്ങള്‍ക്ക് അസുഖം, ജോലിക്കൂടുതല്‍ അനുഭവപ്പെടും, ജീവിതപങ്കാളിയെ പിരിഞ്ഞിരിക്കേണ്ടി വരും, പണയത്തിലിരിക്കുന്ന വസ്തുക്കൾ നഷ്ടപ്പെടാതെ നോക്കണം, വിവാഹ കാര്യത്തില്‍ അന്യരുടെ ഇടപെടല്‍ മൂലം അസ്വസ്ഥതകള്‍ അനുഭവിക്കേണ്ടി വരും.
ചിത്തിര: മനസമാധാനക്കുറവ് സ്വയം ഉണ്ടാക്കും, പ്രതികുലമായ പരിതസ്ഥിതികളില്‍ മനോധൈര്യം പ്രകടിപ്പിക്കും, തൊഴില്‍ മേഖല ഉഷാറാകും, ധനചെലവ്, ദൂരയാത്രാക്ലേശം, ഉന്നതരില്‍ നിന്നും വിഷമങ്ങള്‍, വിദേശയാത്രയ്ക്ക് തടസങ്ങൾ ഉണ്ടാകും,താല്‍ക്കാലിക ജോലിസ്ഥിരമാകും.
ചോതി: കൃത്യനിഷ്ട പാലിക്കാന്‍ പരമാവധി ശ്രമിക്കണം, എഴുത്തുകുത്തുകള്‍ സൂക്ഷിക്കണം, വിശ്വാസവഞ്ചനയ്ക്ക് ഇടവരരുത്, കുടുംബാംഗങ്ങള്‍ പ്രതികാര മനോഭാവത്തോടെ പെരുമാറും, കടങ്ങള്‍ പ്രശ്നങ്ങള്‍ക്ക് കാരണമാകും, അപകടങ്ങള്‍ വരാം, ധനനഷ്ടം ഉണ്ടാകും.
വിശാഖം: ഭൂമി സംബന്ധമായ തര്‍ക്കങ്ങള്‍ക്കും കലഹങ്ങള്‍ക്കും സാദ്ധ്യത, ശത്രു ദോഷം, രോഗങ്ങള്‍ കൊണ്ടുള്ള ധനചെലവ്, ദാമ്പത്യ സുഖക്കുറവ്. ബന്ധുക്കളുടെ എതിര്‍പ്പുകൾ, ഉത്തരവാദപ്പെട്ട കര്‍മങ്ങള്‍ പൂര്‍ത്തീകരിക്കാന്‍ പ്രയാസപ്പെടും, കുടുംബ ബന്ധങ്ങളില്‍ ശത്രുത വര്‍ദ്ധിക്കും.
അനിഴം: ദൂരയാത്രാക്ലേശം, ബന്ധുക്കളില്‍ നിന്നുമുള്ള എതിര്‍പ്പുകള്‍, പങ്കാളിയെ തൊഴില്‍ സംബന്ധമായി പിരിഞ്ഞിരിക്കേണ്ടി വരും, സാമ്പത്തിക ഞെരുക്കം അനുഭവപ്പെടും, അബദ്ധങ്ങളില്‍ ചാടും, കുടുംബത്തില്‍ അസ്വസ്ഥതകള്‍ ഉടലെടുക്കും.
കേട്ട: അവിചാരിത ധനനേട്ടം, സന്താനങ്ങളെക്കൊണ്ട് ഗുണം, സ്വദേശത്ത് തിരിച്ചെത്തും, ലോണുകള്‍ എളുപ്പത്തില്‍ അനുവദിച്ചു കിട്ടും, വ്യവഹാരവിജയം, ദേവാലയ ദര്‍ശനം നടത്തും, കുടുംബത്തിൽ ഉണ്ടായിരുന്ന അസ്വസ്ഥതകള്‍ക്ക് ശമനം.
മൂലം: പ്രതിസന്ധികള്‍ സ്വയം ഒഴിഞ്ഞുപോകും, ദാമ്പത്യ ജീവിതവും സാഹചര്യങ്ങളും സന്തോഷപ്രദമാകും, യാത്രകള്‍ ഗുണകരമാകും, തടസങ്ങള്‍ മാറി കിട്ടും, വിദ്യാര്‍ത്ഥികള്‍ക്ക് ഉന്നതവിദ്യാഭ്യാസത്തിന് അനുമതിയും ധനലഭ്യതയും, നിദ്രാസുഖം, ഉദ്യോഗ തലത്തില്‍ ശോഭിക്കും, എതിര്‍പ്പുകളെ അതിജീവിക്കും.
പൂരാടം: ഇഷ്ട ജന സമ്പര്‍ക്കത്തില്‍ മനസിന് സന്തോഷം കിട്ടും, നിര്‍മാണ പ്രവര്‍ത്തികള്‍ ആരംഭിക്കും, കലകളില്‍ താല്‍പര്യവും അഭിനിവേശവും തോന്നും,കോടതി കാര്യങ്ങളില്‍ അനുകൂലമായ തീരുമാനം, വീട് പണിയാന്‍ ആഗ്രഹിക്കുന്നവര്‍ക്ക് അനുകൂല സമയം.
ഉത്രാടം: സ്ഥാനക്കയറ്റമുണ്ടാകും, കലഹത്തിനു വരുന്നവരെ പോലും സരസമായി സംസാരിച്ചു വശത്താക്കും, സഹോദരങ്ങളുമായി കൂട്ടുചേര്‍ന്ന് പ്രവര്‍ത്തിക്കും, വ്യവഹാര വിജയം, ആരോഗ്യപ്രശ്നങ്ങള്‍ക്ക് പരിഹാരം കാണും.
തിരുവോണം: മനക്ലേശം, അപ്രതീക്ഷിത ധനനഷ്ടം, ആത്മാർത്ഥത ചോദ്യം ചെയ്യപ്പെടും, അനാവശ്യ കൂട്ടുകെട്ടുകള്‍ മൂലം അപവാദം, സഞ്ചാരക്ലേശം വര്‍ദ്ധിയ്‌ക്കും, ദാമ്പത്യ ജീവിതത്തിൽ അസ്വസ്ഥതകൾ, പൂര്‍വിക സ്വത്ത് ലഭിക്കും,സ്വാര്‍ഥത ഒഴിവാക്കുക, ജോലിയില്‍ മടികാണിക്കും.
അവിട്ടം: സാമ്പത്തിക പ്രശ്നങ്ങള്‍ വര്‍ദ്ധിക്കും, വിവാദങ്ങളില്‍ നിന്നും ഒഴിഞ്ഞു നില്‍ക്കുക. ശത്രുക്കളുടെ നിഗൂഡ നീക്കങ്ങള്‍ ബുദ്ധിമുട്ട് ഉണ്ടാക്കും, പ്രണയ പരാജയം ഉണ്ടായേക്കാം, കലഹത്തിലും വാക് തര്‍ക്കങ്ങളിലും ഏര്‍പ്പെടും.
ചതയം: ഭൂമി ക്രയവിക്രയം ലാഭകരമാകും, ബന്ധുജന വിരോധം ഉണ്ടാകും, രോഗ ദുരിതങ്ങള്‍ ഒഴിയുകയില്ല, സ്ത്രീകള് മുഖേന അപവാദം കേള്‍ക്കേണ്ടിവരാം, വൈവാഹിക ജീവിതത്തില്‍ കലഹങ്ങൾ ഒഴിവാക്കാൻ ശ്രദ്ധിക്കണം.
പൂരുരുട്ടാതി: പ്രതിബന്ധങ്ങളെ തരണം ചെയ്യേണ്ടി വരും, രോഗ ദുരിതങ്ങള്‍ വര്‍ദ്ധിക്കും, പൊതു രംഗത്ത് പ്രവര്‍ത്തിക്കുന്നവര്‍ക്ക്‌ അപകീര്‍ത്തി, ജന പിന്തുണ കുറയും, സ്ത്രീകള് മുഖേന മനസമാധാനം നഷ്ടപ്പെടും, കാര്‍ഷിക രംഗത്ത് നഷ്ടമുണ്ടാകും.
ഉത്രട്ടാതി: പ്രണയ ചിന്ത മനസിനെ അലട്ടും, യോഗാസനങ്ങളും ഭക്ഷണ ക്രമീകരണവും ശീലിക്കണം, സാമ്പത്തിക സഹായം നല്‍കുമ്പോള്‍ രേഖകള്‍ വാങ്ങാന്‍ മറക്കരുത്, സാമ്പത്തിക പ്രതിസന്ധി, ആയുധം കൈകാര്യം ചെയ്യുന്നവര്‍ പ്രത്യേകം ശ്രദ്ധിക്കുക.
രേവതി: അമിതമായ ലഹരിയുടെ ഉപയോഗം മൂലം തൊഴിലില്‍ പ്രശ്നങ്ങള്‍, അനാവശ്യമായ കലഹങ്ങൾ ഉണ്ടാക്കരുത്, ബാങ്ക്, ഇന്‍ഷുറന്‍സ് മേഖലയിലുള്ളവര്‍ കരുതലോടെ പ്രവര്‍ത്തിക്കുക, മറ്റുള്ളവരുടെ വാക്കില്‍ വീഴരുത്. ബന്ധുക്കളും സന്താനങ്ങളും ശത്രുക്കളെപ്പോലെ പെരുമാറും, കുടുംബത്തില്‍ അഭിപ്രായ വ്യത്യാസം ഉണ്ടാകാതെ സൂക്ഷിക്കണം.