തിരുവനന്തപുരം: മുഖ്യമന്ത്രിയുടെ ദുരിതാശ്വാസ നിധി വഴി 2016 മേയ് മുതൽ 2022 ജനുവരി വരെയുള്ള കാലയളവിൽ 5,97,868 പേർക്ക് ചികിത്സാ സഹായം നൽകിയതായി മുഖ്യമന്ത്രി പിണറായി വിജയൻ നിയമസഭയിൽ രേഖാമൂലം മറുപടി നൽകി. 1106.44 കോടിയാണ് ഇതിനായി അനുവദിച്ചത്. ഓഖി, പ്രളയം, കൊവിഡ് തുടങ്ങിയവ ഉൾപ്പെടെ ആകെ 6541.16 കോടിയുടെ ധനസഹായം ദുരിതാശ്വാസ നിധി വഴി അനുവദിച്ചിട്ടുണ്ട്. ഈ സർക്കാർ അധികാരത്തിൽ വന്നതിനു ശേഷം 2021 മേയ് മുതൽ 2022 ജനുവരി വരെ 235.83 കോടി രൂപ ചികിത്സാ സഹായമായി നൽകി.