മലയാളികളുടെ പ്രിയപ്പെട്ട താരമാണ് കുഞ്ചാക്കോ ബോബൻ സിനിമാ കുടുംബത്തില്‍ നിന്നും കടന്നു വന്ന കുഞ്ചാക്കോ ബോബന്‍ മലയാളക്കരുടെ യൂത്ത് ഐക്കണ്‍ ആയി മാറുകയായിരുന്നു. പിന്നീട് സിനിമയില്‍ നിന്നും വിട്ടു നിന്ന കുഞ്ചാക്കോ ബോബൻ തന്റെ ചോക്ലേറ്റ് ഇമേജിന് അപ്പുറത്തേക്ക് വളര്‍ന്ന്, ഇന്ന് വ്യത്യസ്തമായ കഥാപാത്രങ്ങളും സിനിമകളും സമ്മാനിക്കുന്ന താരമായി മാറിയിരിക്കുകയാണ് . സോഷ്യൽ മീഡിയയിലും സജീവമാണ് ചാക്കോച്ചൻ. ഇപ്പോഴിതാ രസകരമായ ഒരു കാര്യമാണ് കുഞ്ചാക്കോ ബോബൻ ഫേസ്‌ബുക്കിലൂടെ പങ്ക് വച്ചിരിക്കുന്നത്. ഒരു കരിക്ക് ഷേക്ക് കുടിക്കാൻ തോന്നിയപ്പോൾ തെങ്ങിൽ കയറി കരിക്ക് ഇട്ട് ഷേക്ക് ഉണ്ടാക്കി കുടിച്ചു എന്ന് താരം ഫേസ്‌ബുക്കിൽ കുറിച്ചു. ആഗ്രഹങ്ങൾ മാറ്റിവയ്ക്കരുതെന്നും അപ്പോൾ തന്നെ സാധിക്കണെമന്നും ചാക്കോച്ചൻ പറയുന്നു. ഇതിന്റെ ചിത്രങ്ങളും താരം പങ്കുവച്ചിട്ടുണ്ട്.
അതേസമയം പട ആണ് കുഞ്ചാക്കോ ബോബന്റെ ഏറ്റവും പുതുതായി പുറത്തിറങ്ങിയ സിനിമ. 1996 ല്‍ അയ്യങ്കാളിപ്പടയുടെ നേതൃത്വത്തില്‍ നടന്ന സമരത്തെക്കുറിച്ചുള്ള ചിത്രത്തിന്റെ സംവിധായകൻ കമല്‍ കെഎം ആണ്. വിനായകന്‍, ജോജു ജോര്‍ജ്, ദിലീഷ് പോത്തന്‍ എന്നിവരാണ് ചിത്രത്തിലെ മറ്റ് പ്രധാന താരങ്ങള്‍. ചിത്രത്തിന് മികച്ച പ്രതികരണങ്ങളാണ് പ്രേക്ഷകരില്‍ നിന്നും ലഭിക്കുന്നത്.
തമിഴ് അരങ്ങേറ്റ സിനിമയായ രണ്ടഗം, പകലും പാതിരാവും, അറിയിപ്പ്, ന്നാ താന്‍ കേസ് കൊട്, എന്താടാ സജി, പദ്മിനി, അഞ്ചാം പാതിരയുടെ രണ്ടാം ഭാഗമായ ആറാം പാതിര, ഗര്‍ര്‍ര്‍, മറിയം ടെയ്‌ലേഴ്‌സ് തുടങ്ങിയ സിനിമകളാണ് ചാക്കോച്ചന്റേതായി അണിയറയിലൊരുങ്ങുന്നത്. ന്നാ താന്‍ കേസ് കൊട് എന്ന സിനിമയുടെ ഫസ്റ്റ് ലുക്ക് കഴിഞ്ഞ ദിവസമാണ് പുറത്ത് വിട്ടത്.