ബെയ്‌ജിംഗ് : യുക്രെയിൻ - റഷ്യ യുദ്ധത്തിന്റെ സ്ഥിതിഗതികൾ വിലയിരുത്താൻ അമേരിക്കൻ പ്രസിഡന്റ് ജോ ബൈഡനും ചൈനീസ് പ്രസിഡന്റ് ഷി ജിൻപിംഗുമായി ചർച്ച നടത്തി. രണ്ടുമണിക്കൂർ നേരം നീണ്ടുനിന്ന വീഡിയോ കോൺഫറൻസിൽ സമാധാനത്തിനായി ചൈനയും യുഎസും അന്താരാഷ്ട്ര ഉത്തരവാദിത്വം ഏറ്റെടുക്കണമെന്ന് പ്രസിഡന്റ് ഷി പ്രസിഡന്റ് ബൈഡനോട് ആവശ്യപ്പെട്ടു.

ഇപ്പോഴത്തെ യുദ്ധത്തോട് ആർക്കും താത്‌പര്യമില്ലെന്ന് ഷി ജിൻപിംഗ് പറഞ്ഞതായി ചൈനയുടെ ഔദ്യോഗിക ടെലിവിഷൻ റിപ്പോർട്ട് ചെയ്യുന്നു. ചരിത്രത്തിന്റെ ശരിയായ ഭാഗത്ത് ചൈന നിൽക്കേണ്ടതുണ്ട്. അത് ആവശ്യമാണ്. ഇപ്പോൾ യുക്രെയ്നിൽ നടക്കുന്ന സംഭവവികാസങ്ങൾ ആരും ആഗ്രഹിക്കുന്നില്ല. സമാധാനവും സുരക്ഷയുമാണ് രാജ്യാന്തര സമൂഹത്തിന്റെ ഏറ്റവും മൂല്യവത്തായ നിധികൾ.ചൈനയും യുഎസും രാജ്യാന്തര ഉത്തരവാദിത്തങ്ങൾ ഏറ്റെടുക്കണമെന്നും ഷി ചിൻപിംഗ് പറഞ്ഞു.

"സമാധാനവും സുരക്ഷിതത്വവുമാണ് അന്താരാഷ്ട്ര സമൂഹത്തിന്റെ ഏറ്റവും മൂല്യവത്തായ സമ്പത്ത്," പ്രസിഡന്റ് ഷി യുഎസ് പ്രസിഡന്റ് ബൈഡനോട് പറഞ്ഞു. ആക്രമണം അവസാനിപ്പിക്കാൻ ഇരു നേതാക്കളും റഷ്യയോട് ആവശ്യപ്പെട്ടതായി വൈറ്റ് ഹൗസ് അറിയിച്ചു.