കൊച്ചി: കേരള ഭാഗ്യക്കുറി സമ്മർ ബമ്പറിന്റെ ഒന്നാം സമ്മാനമായ ആറ് കോടിയുടെ ടിക്കറ്റ് വിറ്റ വിൽപ്പനക്കാരന് കമ്മീഷനായി ലഭിക്കുന്നത് അരക്കോടിയോളം രൂപ. പട്ടാമ്പി സ്വദേശി രാധാകൃഷ്ണനാണ് 50 ലക്ഷത്തി​ലേറെ രൂപയുടെ കമ്മി​ഷന് അർഹനായിരിക്കുന്നത്.

16 വർഷമായി​ ചോറ്റാനി​ക്കര ക്ഷേത്രപരി​സരത്ത് ലോട്ടറി​ വി​റ്റ് ജീവിക്കുകയാണ് 61 കാരനായ രാധാകൃഷ്ണൻ. ദി​വസവും രാവി​ലെ ഭഗവതി​യെ തൊഴുതാണ് കച്ചവടം ആരംഭി​ക്കുക. ചോറ്റാനി​ക്കര അമ്മയുടെ അനുഗ്രഹമാണീ ഭാഗ്യമെന്ന് രാധാകൃഷ്ണൻ പറയുന്നു. വെള്ളി​യാഭരണങ്ങൾ വി​റ്റുനടന്ന കാലത്ത് 16 വർഷം മുമ്പ് ക്ഷേത്രദർശനത്തി​നെത്തി​യതാണ്. പി​ന്നെ ഇവി​ടെ തന്നെ ലോട്ടറി​ കച്ചവടവുമായി​ കൂടുകയായിരുന്നു​. നല്ലതു മാത്രമേ ഉണ്ടായി​ട്ടുള്ളൂ. ഇനി​യും ഇതേ ജോലി​ ഇവി​ടെ തന്നെ തുടരുമെന്നും രാധാകൃഷ്ണൻ പറഞ്ഞു. പട്ടാമ്പി​ മേലാറ്റൂർ ആത്തി​തൊടി​യി​ലാണ് വീട്. ഭാര്യ: രമണി​. മക്കൾ: തുഷാര, രാകേഷ്, സജീവ്.

കച്ചേരി​പ്പടി​യി​ലെ വി​ഘ്നേശ്വര ലോട്ടറി​ ഏജൻസി​യി​ൽ നി​ന്നാണ് രാധാകൃഷ്ണൻ വർഷങ്ങളായി​ ലോട്ടറി​ എടുക്കുന്നത്. കമ്മി​ഷൻ ഏജൻസി​ക്കാണ് ലഭി​ക്കുക. അത് സബ് ഏജന്റി​ന് കൈമാറും. 60 ലക്ഷം രൂപ കമ്മി​ഷനി​ൽ നി​ന്ന് നി​കുതി​കളെല്ലാം കഴി​ഞ്ഞാണ് 50 ലക്ഷത്തി​ൽപ്പരം രൂപ രാധാകൃഷ്ണന് നൽകുകയെന്ന് വി​ഘ്നേശ്വര ഉടമ എൻ.അജേഷ് കുമാർ പറഞ്ഞു.