
ജി. പ്രഭ സംവിധാനം ചെയ്ത് നെടുമുടി വേണു അവസാനമായി അഭിനയിച്ച് പൂർത്തീകരിച്ച സിനിമയായ 'തയാ" എന്ന സംസ്കൃത സിനിമ ഏപ്രിൽ 25 ന് നടക്കുന്ന കൊൽക്കത്ത ഫിലിം ഫെസ്റ്റിവലിൽ മത്സരവിഭാഗത്തിൽ പ്രദർശിപ്പിക്കും. കുറിയേടത്തുതാത്രിയുടെ ജീവിതത്തിന് പുതിയൊരു ദൃശ്യ വ്യാഖ്യാനം നൽകുന്ന ചിത്രമാണിത്. ശ്രീഗോകുലം മൂവീസിന്റെ ബാനറിൽ ഗോകുലം ഗോപാലൻ നിർമിച്ച ചിത്രം ഇതിനകം തന്നെ ഒട്ടേറെ ചലച്ചിത്രോത്സവങ്ങളിൽ തിര
ഞ്ഞെടുക്കപ്പെടുകയുണ്ടായി. കഥ , തിരക്കഥ, സംഭാഷണം എന്നിവയും നിർവഹിച്ചിരിക്കുന്നത് സംവിധായകൻ തന്നെയാണ്. ജി.പ്രഭ.കൊൽക്കത്ത ചലച്ചിത്രമേള ജനുവരിയിലായിരുന്നു നിശ്ചയിച്ചിരുന്നതെങ്കിലും കൊവിഡ് കാരണം മാറ്റി വയ്ക്കുകയായിരുന്നു. പൂനാ അന്തർദേശീയ ചലച്ചിത്രോത്സവത്തിലും ബാംഗ്ലൂർ അന്തർദേശീയ ചലച്ചിത്രോത്സവത്തിലും നാഗ്പൂർ ഓറഞ്ച് സിറ്റി ചലച്ചിത്രോത്സവത്തിലും  തയാ പ്രദർശിപ്പിച്ചിരുന്നു.  പ്രസിദ്ധകഥകളി ആചാര്യനായ നെല്ലിയോട് വാസുദേവൻ നമ്പൂതിരി അവസാനമായി അഭിനയിച്ച ചിത്രവും ഇതാണ്. ബാബുനമ്പൂതിരി, ദിനേശ് പണിക്കർ, അനുമോൾ, മാർഗിരേവതി, ഉത്തര, ശ്രീലനല്ലേടം, ഗിരീഷ് സോപാനം, പള്ളിക്കൽ സുനിൽ, മോഹിനി സോപാനം, മാസ്റ്റർ ആദിദേവ്, വടക്കുമ്പാട്ട് നാരായണൻ, മീനാക്ഷി തുടങ്ങിയവരാണ് അഭിനേതാക്കൾ. സണ്ണി ജോസഫ് ഛായാഗ്രഹണവും ബിജുപൗലോസ് സംഗീതവും നിർവഹിച്ചിരിക്കുന്നു. ടി കൃഷ്ണനുണ്ണിയുടേതാണ് ശബ്ദമിശ്രണം. പട്ടണം റഷീദ് ചമയവും ഇന്ദ്രൻസ് ജയൻ വസ്ത്രാലങ്കാരവും ബോബൻ കലാസംവിധാനവും നിർവഹിച്ചിരിക്കുന്നു.