മൊബൈൽ ഫോണിലും മറ്റും പതിവായി പോൺസൈറ്റുകൾ സന്ദർശിക്കുന്നവർ അതിന്റെ നിയമ വശങ്ങളെ കുറിച്ച് അജ്ഞരായിരിക്കും. ചില രാജ്യങ്ങളിൽ ഇത്തരം സൈറ്റുകൾ സന്ദർശിക്കുന്നത് കുറ്റകരമാണ്. എന്നാൽ മറ്റു ചില രാജ്യങ്ങളിൽ പോൺ സൈറ്റ് ബിസിനസുമാണ്. ഇന്ത്യയിൽ അശ്ലീല സൈറ്റുകൾ സന്ദർശിക്കുന്നതിന് നിരോധനം ഏർപ്പെടുത്തിയിട്ടുണ്ടോ ? അശ്ലീല ദൃശ്യങ്ങൾ പതിവായി കാണുന്നത് ശിക്ഷാർഹമാണോ എന്നുള്ള സംശയങ്ങൾ നിരവധി പേർക്കുണ്ടാവും. ഇത്തരം ചോദ്യങ്ങൾക്ക് നിയമവഴിയിലൂടെ ഉത്തരം നൽകുകയാണ് അഡ്വ ശ്രീജിത്ത് പെരുമന.

ഫേസ്ബുക്ക് പോസ്റ്റ് വായിക്കാം

ചോദിച്ചാൽ #വിന)യാകാതെ കൊട്ടക്കണക്കിന് സെക്സ് കിട്ടുന്ന ഇന്റർനെറ്റ്...

അറിയാം. #നിയമവും #നിയമവിരുദ്ധവും

ആനന്ദത്തിന് വേണ്ടി ലൈംഗിക ബന്ധത്തിലും, സ്വയംഭോഗ രതിയിലും ഏർപ്പെടുന്ന ഒരേയൊരു ജീവിയായ മനുഷ്യർ കൊറോണക്കാലത്തെ ഒറ്റപ്പെടലിലകപ്പെട്ട് ആത്മസംതൃപ്തിയുടെ മാർഗ്ഗങ്ങൾ തേടിയതിലൂടെ ഇന്റർനെറ്റ് ലൈംഗികാസ്വാദനവും, ഫോൺ സെക്‌സും ഉൾപ്പെടെ നാലിരട്ടി വർദ്ദിച്ചുവെന്ന റിപ്പോർട്ടുകളുടെ പശ്ചാത്തലത്തിൽ ഈ വിനയാകാതെ എങ്ങനെ കിട്ടും എന്ന് പരിശോധിക്കാം..

പുരുഷന്മാരേക്കാൾ കൂടുതൽ സ്ത്രീകൾ പോൺ വീഡിയോകൾ കാണുന്നുവെന്നു സർവ്വേ റിപ്പോർട്ടുകൾ വെളിപ്പെടുത്തിയ കേരളത്തിലെ ഇന്റർനെറ്റ് തലമുറയും, വെസ്റ്റേൺ സെക്സ് ടോയ്‌സുകളും ഉപയോഗിക്കുന്നവർ നിർബന്ധമായും അറിഞ്ഞിരിക്കേണ്ട വസ്തുതകൾ ഇങ്ങനെ.

അശ്ലീല ദൃശ്യങ്ങൾ കാണുന്നതിന് ഇന്ത്യയിൽ നിരോധനം ഉണ്ടോ

ഇല്ല. ഇന്റർനെറ്റിൽ നിന്നോ, സ്വയം നിർമ്മിച്ചതോ ആയ ഏതൊരു ലൈംഗിക ദൃശ്യങ്ങളും സ്വയം/സ്വകര്യമായി കാണുന്നതിന് ഇന്ത്യയിൽ നിരോധനമില്ല. ഇന്റർനെറ്റിൽ നിന്നും ഡൗൺലോഡ് ചെയ്യുന്നവ കോപ്പി റൈറ്റ്സ് ഉള്ളതാണെങ്കിൽ പകർപ്പവകാശ നിയമങ്ങൾ ബാധകയിരിക്കും. എന്നാൽ ഓൺലൈനിൽ അശ്ലീല വീഡിയോകളോ ദൃശ്യങ്ങളോ കാണുന്നതിന് നിരോധനമില്ല.

അശ്ലീല ദൃശ്യങ്ങൾ സ്വന്തം മൊബൈൽ ഫോണിലോ, ലാപ്ടോപ്പിലോ/ മറ്റ് ഉപകരണങ്ങളിലോ സ്റ്റോർ ചെയ്ത് സൂക്ഷിക്കുന്നത് നിയമവിരുദ്ധമാണോ

അല്ല. സ്വന്തം മൊബൈൽ ഫോണിലോ, ലാപ്പ്ടോപ്പിലോ, പെൻഡ്രൈവിലോ അശ്ലീല ദൃശ്യങ്ങൾ സൂക്ഷിക്കുന്നത് നിയമ വിരുദ്ധമല്ല. എന്നാൽ Child Pornography /പ്രായപൂർത്തിയാകാത്തവരുടെ ദൃശ്യങ്ങൾ സൂക്ഷിക്കുന്നതും, പ്രചരിപ്പിക്കുന്നതും, കാണുന്നതും/മറ്റെല്ലാ ഇടപാടുകളും കുറ്റകരമാണ്.

അശ്ലീല ദൃശ്യങ്ങളുമായി ബന്ധപ്പെട്ടത് എന്തെല്ലാം നിരോധനങ്ങളാണ് ഇന്ത്യയിലുള്ളത്

child pornography അഥവാ കുട്ടികളുടെ/പ്രായപൂർത്തിയാകാത്തവരുടെ അശ്ലീല ദൃശ്യങ്ങൾ ഇന്റർനെറ്റിൽ കാണുന്നതും, ഡോൺലോഡ് ചെയ്യുന്നതും, ബ്രൗസ് ചെയ്യുന്നതും, വാട്സ്ആപ്പിളോ, മാറ്റ് സാമൂഹിക മാധ്യമങ്ങളിലൂടെയോ അയക്കുന്നതും 5 വർഷം തടവും 10 ലക്ഷം രൂപവരെ പിഴയും ലഭിക്കാവുന്ന കുറ്റകൃത്യമാണ്‌. child pornography /കുട്ടികളുടെ അശ്ലീല ദൃശ്യങ്ങൾ നിർമ്മിക്കുന്നതും, ചിത്രങ്ങളെടുക്കുന്നതും സമാന രീതിയിൽ ശിക്ഷ ലഭിക്കുന്ന കുറ്റമാണ്.

വെബ്‌സൈറ്റിലും ഇന്റർനെറ്റിലും അശ്ലീല ചിത്രങ്ങൾ പ്രദർശിപ്പിക്കുന്നത് ഇന്ത്യൻ പീനൽ കോഡിലെ 292 of IPC (punishment for showing obscene materials) പ്രകാരവും, Protection of Children from Sexual Offences Act (use of children for pornographic purposes) പോക്സോ നിയമം വകുപ്പ് 13 പ്രകാരവും ക്രിമിനൽ കുറ്റമാണ്

child pornography /കുട്ടികളുടേതല്ലാത്ത അശ്ലീല ദൃശങ്ങൾ വാട്സാപ്പ്/മെസഞ്ചർ വഴി അയക്കുന്നത് കുറ്റകരമാണോ

തീർച്ചയായും ആണ്. അശ്ലീല ദൃശ്യങ്ങൾ കാണാം എന്നല്ലാതെ അത് മറ്റൊരാൾക്ക് ഏതു മാർഗത്തിലൂടെ അയച്ചാലും അത് കുറ്റകരമാണ്.

ഏത് തരത്തിലുള്ള അശ്ലീല ദൃശ്യങ്ങൾ xc ആണെങ്കിലും ഒന്നിൽകൂടുതൽ ആളുകൾ ചേർന്ന് കാണുന്നതും, പൊതുസ്ഥലങ്ങളിൽ വെച്ച് കാണുന്നതും. ഏതെങ്കിലും അശ്ലീല ദൃശ്യങ്ങളോ, ചിത്രങ്ങളോ വാട്സ്ആപ്പിലോ, ടെലഗ്രാമിലോ തുടങ്ങി ഏതെങ്കിലും രീതിയിൽ മറ്റാർക്കെങ്കിലും അയച്ചു കൊടുത്താൽ അത് ക്രിമിനൽ കുറ്റമാണ്. ഐടി ആക്റ്റിലെ വകുപ്പ് 67 പ്രകാരം 5 വർഷം തടവും 10 ലക്ഷം രൂപവരെ പിഴയും ലഭിക്കാവുന്ന കുറ്റകൃത്യമാണ്‌.

Child Pornography അല്ലാത്ത അശ്ലീല ദൃശ്യങ്ങൾ കാണാമെന്നു നിയമമുണ്ടോ

ഇല്ല. അശ്ലീല ദൃശ്യങ്ങൾ കാണുന്നത് കുറ്റകരമാണ് എന്നൊരു നിയമമില്ല. Child Pornography കാണരുതെന്നും, സൂക്ഷിക്കരുതെന്നും, നിർമിക്കരുതെന്നും പ്രചരിപ്പിക്കരുതെന്നുമാണ് നിയമം പറയുന്നത്. അതുകൊണ്ടുതന്നെ ഏതെങ്കിലുംകാര്യം expressly നിരോധിച്ചിട്ടില്ല/നിയന്ത്രിച്ചിട്ടില്ല എങ്കിൽ അത് ചെയ്യുന്നത് ഇന്ത്യയിൽ കുറ്റകരമല്ല.

സ്വന്തം അശ്ലീല ദൃശ്യങ്ങൾ പകർത്താനോ സൂക്ഷിക്കണോ അവകാശമുണ്ടോ

തീർച്ചയായും സ്വന്തം ലൈംഗിക ദൃശ്യങ്ങളും, ചിന്ത്രങ്ങളും സ്വയം പകർത്താനും സൂക്ഷിക്കാനും ഏതൊരു പൗരനും അവകാശമുണ്ട് പക്ഷെ അവ പ്രചരിപ്പിക്കാനോ മറ്റൊരാൾക്കു അയച്ചു നൽകാനോ, പബ്ലിക് ആയി കാണുവാനോ , കാണിക്കുവാനോ പാടുള്ളതല്ല.( ഇക്കാര്യം വ്യക്തമാക്കുന്ന കേരള ഹൈക്കോടതിയുടെ വിധി ഈ പോസ്റ്റിനോടൊപ്പം )

അശ്ലീല ദൃശ്യങ്ങൾ കാണുന്നതുമായി ബന്ധപ്പെട്ട സുപ്രീംകോടതി വിധിയെന്താണ്

ഏതുതരത്തിലുള്ള അശ്ലീല വീഡിയോകൾ കാണുന്നതും പൂർണ്ണമായും നിരോധിക്കണമെന്ന് ആവശ്യപ്പെട്ട് 2013 ൽ കമലേഷ് വാസ്വാനി എന്ന ഭിഭാഷക സുപ്രീംകോടതിയിൽ പൊതുതാപര്യ ഹര്ജി നൽകിയെങ്കിലും. പ്രായപൂർത്തിയായ പൗരന്മാർ അവരുടെ വീടിന്റെയോ, റൂമിൻെറയോ നാല് ചുമരുകൾക്കുള്ളിൽ ഇരുന്ന് ലൈംഗിക വീഡിയോകൾ കാണുന്നത് നിരോധിക്കാനാവില്ലെന്ന് ചീഫ് ജസ്റ്റിസ് എച് എൽ ദത്തു വ്യക്തമാക്കി. അത്തരത്തിൽ അശ്ലീല വീഡിയോകൾ സ്വകര്യമായി കാണുന്നത് നിരോധിച്ചാൽ അത് മൗലികാവകാശമായ ആർട്ടിക്കിൾ 21 ന്റെ ലംഘനമാകുമെന്നും ജസ്റ്റിസ് എച്ച് എൽ ദത്തു നിരീക്ഷിച്ചു.

ഏകദേശം 40 മില്യൺ വെബ്‌സൈറ്റുകളാണ് ലോകത്തുടനീളം സൗജന്യമായി പോൺ വീഡിയോകളും ദൃശ്യങ്ങളും നൽകുന്നത്. ഇവയെല്ലാം നിരോധിക്കുക എന്നത് നിയമപരമായി സാധ്യമല്ല എന്നതിനാൽ കുട്ടികളുടെയും, പ്രായപൂർത്തിയാകാത്തവരുടെയും അശ്ലീല ചിത്രങ്ങൾ 857 വെബ്‌സൈറ്റുകൾ ഉത്തരാഖണ്ഡ് ഹൈക്കോടതി വിധിയെ തുടർന്നു കേന്ദ്ര സർക്കാർ അടച്ചു പൂട്ടിയിരുന്നു.

അശ്ലീല ദൃശ്യങ്ങളോ /ലൈംഗിക ദൃശ്യങ്ങളോ പകർത്തുകയോ, അവ കൈവശം സൂക്ഷിക്കുകയോ ചെയ്യുന്നത് കുറ്റകരമല്ലെന്ന് കേരള ഹൈക്കോടതിയുടെ സുപ്രധാന വിധിയുടെ വിശദാംശങ്ങൾ ഇങ്ങനെ..

അത്തരത്തിൽ പ്രായപൂർത്തിയായവർ പകർത്തുന്ന നഗ്ന ദൃശ്യങ്ങൾ ലൈംഗിക അതിപ്രസരമുള്ള ദൃശ്യങ്ങൾ ആണെങ്കിൽപോലും അവ ഏതെങ്കിലും മാർഗ്ഗത്തിലൂടെ പ്രചരിപ്പിച്ചില്ലെങ്കിൽ കേസെടുക്കാൻ സാധിക്കില്ലെന്നും കോടതി.

സ്വയം പകർത്തിയ നഗ്ന ദൃശ്യങ്ങളും, ലൈംഗിക ദൃശ്യങ്ങളും മൊബൈൽ ക്യാമറയിലും, ഡിജിറ്റൽ ക്യാമറയിലും പകർത്തി കൈവശം വെച്ചു എന്ന കേസിൽ കമിതാക്കൾക്കെതിരെ കൊല്ലം പോലീസ് രജിസ്റ്റർ ചെയ്ത ക്രിമിനൽ കേസ് ഹൈക്കോടതി റദ്ദാക്കി.

സ്ത്രീകളെ മോശമായി അശ്‌ളീല രീതിയിൽ ചിത്രീകരിക്കുന്നത് തടയുന്ന 1986 ലെ Indecent Representation of women (prohibition) Act പ്രകാരം രജിസ്റ്റർ ചെയ്ത കേസാണ് കോടതി റദ്ദാക്കിയത്.

കൊല്ലം ബസ് സ്റ്റാൻഡിൽ പരിശോധന നടത്തവേ ബസ്സ് കാത്തുനിന്ന യുവതിയുടെയും യുവാവിന്റെയും ബാഗിൽ നിന്നും കണ്ടെടുത്ത മൊബൈൽ ഫോണിലും, ഡിജിറ്റൽ ക്യാമറയിലും അവരുടെ നഗ്ന ദൃശ്യങ്ങളും, ലൈംഗിക ദൃശ്യങ്ങളും പകർത്തി സൂക്ഷിച്ചു എന്ന പേരിലാണ് കൊല്ലം സർക്കിൾ ഇൻസ്‌പെക്‌ടർ കേസ് രജിസ്റ്റർ ചെയ്തത്.

യുവതിയുടെ നഗ്ന ചിത്രങ്ങൾ യുവാവ് പ്രചരിപ്പിക്കാൻ സാധ്യതയുണ്ടെന്ന പോലീസ് വാദം കോടതി അംഗീകരിച്ചില്ല. നിയമപ്രകാരം ഒരാൾ അത്തരത്തിലുള്ള നഗ്ന ദൃശ്യങ്ങൾ പ്രചരിപ്പിച്ചാൽ മാത്രമാണ് കേസെടുക്കാൻ സാധിക്കുകയുള്ളു എന്നും, പ്രായപൂർത്തിയായവർ അവരുടെ നഗ്ന ചിത്രങ്ങളോ ലൈംഗിക ചിത്രങ്ങളോ സ്വയം പകർത്തി സൂക്ഷിച്ചാൽ അതു കുറ്റകരമല്ലെന്നും കേരള ഹൈക്കോടതി വിധിച്ചു.

ജസ്റ്റിസ് വി രാഗവിജയരാഗവനാണ് ഈ സുപ്രധാന വിധി പുറപ്പെടുവിച്ചത്.

Sex Toys അഥവാ ലൈംഗിക ഉപകരണങ്ങളുടെ വില്പന ഇന്ത്യയിൽ നിരോധിച്ചിട്ടുണ്ടോ

ഉത്തരം ഇല്ല എന്നാണ്. പൊതുവിൽ അത്തരം sex toys കൾക്ക് അത്തരം ഒരു നിരോധനം ഒരു നിയമത്തിലും നിലവിലില്ല. എന്നാൽ sex toy കൾ പരസ്യമായി പ്രദർശിപ്പിച്ചുകൊണ്ടോ, പരസ്യം നൽകിയോ വില്പന നടത്തുന്നത് ഇന്ത്യൻ ശിക്ഷ നിയമത്തിലെ അഥവാ IPC 292, 293, 294 എന്നീ വകുപ്പുകൾ പ്രകാരം അതാത് സാഹചര്യമനുസരിച്ച് ശിക്ഷാർഹമായേക്കാം.

Sex Toy ഒരാൾ വീട്ടിൽ സൂക്ഷിക്കുന്നതും സ്വയം ഉപയോഗിക്കുന്നതും ശിക്ഷാർഹമാണോ

അല്ല. ഒരു sex toy അല്ലെങ്കിൽ sex toys വീട്ടിൽ സ്വകാര്യമായി സൂക്ഷിക്കുന്നതും സ്വകാര്യതയുടെ ഭാഗമാണ്.

എങ്ങനെയാണ് sex toys ഉപയോഗം കുറ്റകരമാകുന്നത്

ഒരാൾ sex toy പരസ്യമായി പ്രദർശിക്കുന്നതും, ഉപയോഗിക്കുന്നതും, ഇന്റർനെറ്റിലും, സമൂഹിക മാധ്യമങ്ങളിൽ പ്രദർശിപ്പിക്കുന്നതും, പരസ്യപ്പെടുത്തുന്നതും IPC 293 പ്രകാരവും, ഐടി ആക്റ്റ് വകുപ്പ് 67 പ്രകാരവും കുറ്റകരമാണ്.

എങ്ങനെയാണ് ഇന്ത്യയിൽ sex toy മേടിക്കാൻ സാധിക്കുക

അശ്‌ളീല സാധനങ്ങൾ നിർമ്മിക്കുകയോ, വിൽക്കുകയോ, പ്രദർശിപ്പിക്കയോ ചെയ്യരുതെന്ന നിയമമുള്ളതിനാൽ ഓൺലൈൻ കച്ചവട കമ്പനികൾ അഥവാ ഇ കൊമേഴ്‌സ് കമ്പനികൾ രഹസ്യമായാണ് sex toy കച്ചവടം നടത്തുന്നത്. Sex toy കൾ പരസ്യം നൽകാനോ, sex ചിത്രങ്ങളോടെയോ അശ്‌ളീല ചിത്രങ്ങളോടെയോ, പാക്കുകളോടെയോ ഷിപ്പിംഗ് നടത്താനോ പാടുള്ളതല്ല. രഹസ്യ രീതിയിൽ പാക്ക് ചെയ്ത് ഓൺലൈൻ ഷിപ്പിങ് നടത്തുന്നുണ്ട്.

Sex toy ഇറക്കുമതി ചെയ്യാൻ സാധികുമോ

നിലവിൽ sex toys ഇറക്കുമതി നിരോധിക്കുന്ന ഒരു വ്യക്തമായ നിയമം നിലവിലില്ല.

കൊൽക്കൊത്ത സ്വദേശിയായ ഒരാൾ വിദേശത്തു നിന്നും ഇറക്കുമതി ചെയ്ത് SEX TOYS കസ്റ്റംസ് പിടിക്കുകയും കേസെടുകയും ചെയ്തത് 2011 ൽ കൊൽക്കൊത്ത ഹൈക്കോടതി റദ്ദാക്കുകയും പരാതിക്കാരനെ sex toys കൊണ്ടുവരാൻ അനുവദിക്കുകയും ചെയ്തിരുന്നു.

ലൈംഗിക സംതൃപ്തിക്ക് വേണ്ടി ഒരു സാധനം വാങ്ങിച്ചു എന്നതുകൊണ്ട് അത് "അശ്ലീലമോ, അശ്‌ളീല പ്രവൃത്തിയോ " അല്ലെന്ന് ഹൈക്കോടതി കേസിൽ നിരീക്ഷിച്ചു. എങ്കിലും sex toys കൾ ഒരു രീതിയിലും പ്രദർശിപ്പിക്കുന്നതും, പ്രചരിപ്പിക്കുന്നതും കുറ്റകരമാണ്.

അത്യാധുനിക വെബ്‌സൈറ്റുകൾ നിർമ്മിച്ച് ആസൂത്രിതമായി അശ്ലീല ചിത്രങ്ങളുടെ മാർക്കറ്റിങ് നടത്തുന്ന വൻകിടക്കാർക്കെതിരെയും ശക്തമായ നിയമനടപടികൾ ഉണ്ടാകണം. സാമൂഹിക മാധ്യമങ്ങളിൽ അശ്ലീല ചിത്രങ്ങൾ പ്രചരിപ്പിക്കുന്ന മാനസിക രോഗികളായ യുവജനങ്ങളെയും, ഇന്റർനെറ്റ് /കംപ്യുട്ടർ പോൺ അടിമകളാക്കപ്പെട്ടവരെയും കണ്ടെത്തി മതിയായ ചികിത്സയും കൗൺസിലിംഗും നൽകി മാനസികാരോഗ്യവും ലൈംഗിക അവബോധവും ഉറപ്പു വരുത്തണം എന്നീ നിർദേശങ്ങൾ മുന്നോട്ടുവെക്കുന്നതിനോടൊപ്പം സാങ്കേതിക വിദ്യയുടെ ഈ കാലത്ത് സ്വകാര്യമായുള്ള ലൈംഗിക ആനന്ദത്തിന് വേണ്ടി നിരുപദ്രവകരമായും, മേല്പറഞ്ഞ നിയമത്തിലൂന്നിയും, മാനസിക ആരോഗ്യത്തോടെ അടിമപ്പെടാതെയുമായുള്ള ഇന്റർനെറ്റ് പോൺ ഉൾപ്പെടെ പോസിറ്റിവായി ആസ്വദിക്കുന്നവരെ പിന്തുണയ്ക്കുന്നു.

ലൈംഗികത ഒരു മാനസിക അവസ്ഥയാണ് എന്ന് മനസിലാക്കി, ആരോഗ്യകരമായ ലൈംഗികതയെ പ്രോത്സാഹിപ്പികുകയും, ലൈംഗിക വിദ്യാഭ്യാസം നൽകുകയും ചെയ്യാതെ ശാരീരിക വൈകാരികതകളെ മണിച്ചത്രത്താഴിട്ട് പൂട്ടിവെക്കാൻ പഠിപ്പിക്കുന്ന ജിഷയും, സൗമ്യയുമുറങ്ങുന്ന സദാചാര അപ്പോസ്തലന്മാരുടെ നാട്ടിൽ അർധരാത്രി സൂര്യനുദിക്കാതിരിക്കട്ടെ

അഡ്വ ശ്രീജിത്ത് പെരുമന