സ്വന്തം ഉത്പന്നത്തെ കുറിച്ച് പുകഴ്ത്തി പറയാത്ത ഒരു മുതലാളിയും കാണില്ല. എന്നാൽ മഹീന്ദ്രയുടെ കാര്യത്തിൽ ആനന്ദ് മഹീന്ദ്രയ്ക്ക് അതിന്റെ ആവശ്യമില്ല. രാജ്യത്തിന്റെ വിവിധ ഭാഗങ്ങളിൽ ചുണക്കുട്ടികളായി ഓടുന്ന മഹീന്ദ്രയുടെ വാഹനങ്ങളുടെ പ്രകടനം തന്നെ ധാരാളം. അടുത്തിടെ തമിഴ്നാട് ട്രാൻസ്‌പോർട്ട് ബസിൽ ഇടിച്ചിട്ടും യാതൊരു അപകടവും സംഭവിക്കാതെ യാത്രക്കാർക്ക് സുരക്ഷ ഒരുക്കിയ മഹീന്ദ്ര എക്‌സ്യൂവി 700യുടെ വീഡിയോ ആനന്ദ് മഹീന്ദ്ര പങ്കുവച്ചു.

First, I’m grateful that the passengers were unhurt. Safety is the predominant design objective in all our vehicles. This news item reinforces that philosophy.I’m grateful to our team for walking the talk in their designs & I hope this inspires them to rise even further https://t.co/bkSXxJT4U4

— anand mahindra (@anandmahindra) March 25, 2022

മഹീന്ദ്ര എക്സ്യുവി 700 ആണ് ബസുമായി കൂട്ടിയിടിക്കുന്നത്. ഇടിയുടെ ആഘാതത്തിൽ ബസിനെ കാർ തള്ളി മുന്നോട്ട് നീക്കുന്നതും വീഡിയോയിൽ കാണാം. എന്നാൽ വലിയ അപകടം നടന്നിട്ടും കാറിലുള്ളവർക്ക് അപകടമൊന്നും സംഭവിച്ചില്ല, ഇത് വാഹനത്തിന്റെ ബലത്തെയാണ് സൂചിപ്പിക്കുന്നത്. വെള്ള നിറത്തിലുള്ള വാഹനത്തിൽ യാത്ര ചെയ്ത എല്ലാ യാത്രക്കാരും സുരക്ഷിതരാണെന്ന് റിപ്പോർട്ട്. ക്രാഷ് ടെസ്റ്റുകളിൽ ഫൈവ് സ്റ്റാർ റേറ്റിംഗ് നേടിയിട്ടുണ്ട് എക്സ്യുവി 70.

'ആദ്യം, യാത്രക്കാർക്ക് പരിക്കേൽക്കാത്തതിൽ ഞാൻ നന്ദിയുള്ളവനാണ്. ഞങ്ങളുടെ എല്ലാ വാഹനങ്ങളുടെയും പ്രധാന ലക്ഷ്യം സുരക്ഷയാണ്. ഈ സംഭവം ആ തത്ത്വചിന്തയെ ശക്തിപ്പെടുത്തുന്നു. അതിന് ഞങ്ങളുടെ ടീമിനോട് ഞാൻ നന്ദിയുള്ളവനാണ്.' ഇങ്ങനെയാണ് അദ്ദേഹം ട്വീറ്റ് ചെയ്തിട്ടുള്ളത്.