കോഴിയിറച്ചി ചെറുപ്പം മോഹിക്കുന്നവരുടെ ഭക്ഷണമാണെന്നറിയാമോ. ഇതിൽ ധാരാളമുള്ള പ്രോട്ടീൻ പേശികളെ ആരോഗ്യവും ഉറപ്പുമുള്ളതാക്കി തീർക്കും. ആഴ്ചയിൽ ഒരു ദിവസം ചിക്കൻ സൂപ്പ് കഴിക്കുക, രോഗപ്രതിരോധശേഷി വർദ്ധിക്കും. കോഴിയിറച്ചിയിൽ ധാരാളമായി അടങ്ങിയിട്ടുള്ള കാൽസ്യം, ഫോസ്ഫറസ് എന്നിവ അസ്ഥികളെയും സംരക്ഷിക്കും.

കോഴിയിറച്ചിയിലുള്ള വിറ്റാമിൻ ബി 5, ട്രിപ്‌റ്റോഫാൻ എന്നിവ സമ്മർദ്ദം കുറയ്ക്കാൻ സഹായിക്കുന്ന ഘടകങ്ങളാണ്. സന്ധിവാതത്തിനുള്ള സാദ്ധ്യത കുറയ്ക്കാനും കോഴിയിറച്ചിക്ക് കഴിവുണ്ട്. ഒമേഗ 3 ഫാറ്റി ആസിഡ്, പൂരിത കൊഴുപ്പുകൾ എന്നിവയടങ്ങിയ കോഴിയിറച്ചി ഹൃദയത്തിന്റെ ആരോഗ്യത്തിനും ഉത്തമാണ്. എന്നാൽ ബ്രോയിലർ ചിക്കൻ അമിതമായി കഴിക്കുന്നത് ആരോഗ്യകരമല്ല. നാടൻ കോഴിയിറച്ചിയാണ് ഉത്തമം. കറിയാക്കി കഴിക്കുന്നതാണ് കൂടുതൽ ഉത്തമം. പാകം ചെയ്യുന്നതിന് മുൻപ് ഇറച്ചിയിലെ അമിതമായ കൊഴുപ്പ് നീക്കുക. കൊഴുപ്പ് കുറഞ്ഞ ഭാഗമായ ചിക്കൻ ബ്രെസ്റ്റ് ഉപയോഗിക്കുന്നത് നല്ലതാണ്.