റായ്‌പൂ‌ർ: മകളുടെ മൃതദേഹവും ചുമന്ന് നടുറോഡിലൂടെ പിതാവ് നടന്നത് പത്ത് കിലോമീറ്റർ. സുർഗുജ ജില്ലയിൽ കഴിഞ്ഞ വെള്ളിയാഴ്ചയാണ് സംഭവം നടന്നത്. ഇത് സംബന്ധിച്ച വീഡിയോ വ്യാപകമായതോടെ ആരോഗ്യമന്ത്രി അന്വേഷണത്തിന് ഉത്തരവിട്ടു.
അംദാല സ്വദേശിയായ ഈശ്വർ ദാസ് ആണ് മകൾ സുരേഖയുടെ മൃതദേഹവുമായി കിലോമീറ്ററുകൾ നടന്നത്. രോഗബാധിതയായ മകളുമായി രാവിലെയാണ് ഈശ്വർ ദാസ് ലഖൻപൂരിലെ സാമൂഹികാരോഗ്യ കേന്ദ്രത്തിലെത്തിയത്. പെൺകുട്ടിയ്ക്ക് കുറച്ച് ദിവസങ്ങളായി കടുത്ത പനിയുണ്ടായിരുന്നെന്നും സാമൂഹികാരോഗ്യ കേന്ദ്രത്തിൽ എത്തിയപ്പോൾ തന്നെ ഓക്സിജന്റെ അളവ് വളരെ കുറവായിരുന്നെന്നും ആരോഗ്യ വകുപ്പിലെ അധികൃതർ പറഞ്ഞു.
Surguja: Chhattisgarh Health Min TS Singh Deo orders probe after video of a man carrying body of his daughter on his shoulders went viral
— ANI MP/CG/Rajasthan (@ANI_MP_CG_RJ) March 26, 2022
Concerned health official from Lakhanpur should have made the father understand to wait for hearse instead of letting him go, Deo said(25.3) pic.twitter.com/aN5li1PsCm
അടിയന്തര ചികിത്സ നൽകിയെങ്കിലും രോഗം വഷളായതിനെത്തുടർന്ന് കുട്ടി മരിക്കുകയായിരുന്നു. മൃതദേഹം കൊണ്ടുപോകാൻ ശവപ്പെട്ടി എത്തുമെന്ന് അവരെ അറിയിച്ചിരുന്നു.എന്നാൽ എത്തുന്നതിന് മുൻപ് തന്നെ കുട്ടിയുടെ ബന്ധുക്കൾ മൃതദേഹവുമായി പോയെന്നും സാമൂഹികാരോഗ്യ കേന്ദ്രത്തിലെ ഡോക്ടറായ വിനോദ് പറഞ്ഞു.
വീഡിയോ കണ്ട് അസ്വസ്ഥനായി. സംഭവത്തെക്കുറിച്ചന്വേഷിച്ച് ഉചിതമായ നടപടി സ്വീകരിക്കാൻ സി എം എച്ച് ഒയ്ക്ക് നിർദേശം നൽകി. സംഭവത്തിൽ വീഴ്ച വരുത്തിയവരെ നീക്കം ചെയ്യാൻ നിർദേശിച്ചതായും ആരോഗ്യ വകുപ്പ് മന്ത്രി ടി എസ് സിംഗ് ഡിയോ പറഞ്ഞു.