ഐക്കരപ്പടി: ഭാര്യയെ കഴുത്തറത്ത് കൊല്ലാൻ ശ്രമിച്ച പ്രവാസി പിടിയിൽ. ഐക്കരപ്പടി നിരോലിപ്പാടത്ത് ബ്ളു ബെൽ വീട്ടിൽ താമസിക്കുന്ന ജാസ്മിർ (42) ആണ് പൊലീസിന്റെ പിടിയിലായത്. ഭാര്യ നാഫ്ത്തിയയെയാണ് ഇയാൾ കൊല്ലാൻ ശ്രമിച്ചത്. യുവതി ഇപ്പോൾ കോഴിക്കോട്ടെ സ്വകാര്യ ആശുപത്രിയിൽ ഗുരുതരാവസ്ഥയിൽ ചകിത്സയിലാണ്.

ഞായറാഴ്ച രാവിലെയാണ് സംഭവം. നാഫ്ത്തിയയുടെ കഴുത്തറുത്ത ശേഷം പ്രതി വീട്ടിൽ നിന്ന് മുങ്ങി. ശേഷം ഇയാൾ തന്നെയാണ് ഭാര്യയെ കൊലപ്പെടുത്താൻ ശ്രമിച്ച വിവരം പൊലീസിൽ അറിയിച്ചത്. തുടർന്ന് പൊലീസ് നടത്തിയ തിരച്ചിലിലാണ് പ്രതിയെ പീടികൂടിയത്. ഗൾഫിലായിരുന്നു ജാസ്മിർ ഒന്നരവർഷം മുൻപാണ് നാട്ടിലെത്തിയത്.

കൃത്യം നടക്കുന്ന സമയത്ത് ദമ്പതികൾ മാത്രമേ വീട്ടിലുണ്ടായിരുന്നുള്ളൂ. രണ്ടുദിവസം മുൻപ് ജാസ്മിർ കുട്ടികളെ കടലുണ്ടിയിലെ തന്റെ വീട്ടിൽ കൊണ്ടാക്കിയിരുന്നു. ഭാര്യയെക്കുറിച്ച് ജാസ്മിറിനുണ്ടായ ചില സംശയങ്ങളാണ് കൃത്യത്തിലേക്കു നയിച്ചത്. വിരലടയാളവിദഗ്ധർ സ്ഥലത്തെത്തി പരിശോധിച്ചു.