ആഗ്ര: സൂര്യനെ നോക്കി കണ്ണ് ചിമ്മാതെ നിങ്ങൾക്ക് എത്ര നേരം നിൽക്കാനാകും. പത്ത് സെക്കന്റ്, ഏറിയാൽ ഒരു മിനിറ്റ്. എന്നാൽ മഹേന്ദ്ര സിംഗ് വർമ്മ(70) എന്ന മഥുര സ്വദേശി കണ്ണ് ചിമ്മാതെ സൂര്യനെ നോക്കി നിന്നത് ഒരു മണിക്കൂറിലേറെയാണ്.

ഈ അവിശ്വസനീയ പ്രകടനത്തോടെ ഇന്ത്യ ബുക്ക് ഓഫ് റെക്കോ‌ർഡും ഇദ്ദേഹം സ്വന്തമാക്കി.39 ഡിഗ്രി ചൂടിലായിരുന്നു ഇയാളുടെ പ്രകടനം. ഒരു മണിക്കൂർ 26 മിനിറ്റാണ് കണ്ണിമ ചിമ്മാതെ, നഗ്നനേത്രങ്ങൾ കൊണ്ട് മഹേന്ദ്ര സിംഗ് വർമ്മ സൂര്യനെ നോക്കി നിന്നത്.

'ത്രടക' എന്ന് വിളിയ്ക്കുന്ന പരിശീലന മുറയിലൂടെയാണ് താൻ ഈ കഴിവ് സ്വന്തമാക്കിയതെന്ന് സിംഗ് പറഞ്ഞു. തീനാളം, കറുത്ത കുത്ത് പോലെയുള്ള ഒരൊറ്റ ബിന്ദുവിൽ ഏറെ നേരം നോക്കിയിരിയ്ക്കുന്ന ധ്യാന രീതി ഉൾപ്പെടുന്നതാണ് 'ത്രടക'. കടുത്ത പരിശീലന മുറയാണ് ഈ പ്രകടനത്തിനായി വേണ്ടി വന്നതെന്ന് സിംഗ് കൂട്ടിച്ചേർത്തു.