കോഴിക്കോട്: വളയത്ത് യുവാവ് പൊള്ളലേറ്റ് മരിച്ചു. യുവതിയെ വീട്ടിലെത്തി തീ കൊളുത്തി കൊല്ലാൻ ശ്രമിക്കുന്നതിനിടെയാണ് മരണം. വളയം സ്വദേശി രത്നേഷ്(42) ആണ് മരിച്ചത്. ഇന്ന് പുലർച്ചെ രണ്ട് മണിക്കായിരുന്നു സംഭവം.

യുവാവ് പെട്രോളുമായി വീട്ടിലെത്തുകയായിരുന്നു. വീടിന്റെ മുകളിൽ കയറി, മുറിയിലേക്ക് പെട്രോൾ ഒഴിച്ച് തീയിട്ട് യുവതിയെ കൊലപ്പെടുത്താനായിരുന്നു ശ്രമം. സംഭവം വീട്ടുകാർ അറിഞ്ഞതോടെ ഇയാൾ സ്വയം തീകൊളുത്തുകയായിരുന്നെന്ന് പൊലീസ് പറഞ്ഞു.

ആക്രമണത്തിൽ യുവതിയ്ക്കും അമ്മയ്ക്കും സഹോദരനും പരിക്കേറ്റു. ഇവരെ ആശുപത്രിയിൽ പ്രവേശിപ്പിച്ചു. ഇലക്ട്രീഷനായ രത്നേഷ് യുവതിയുടെ അയൽവാസിയാണ്. രത്നേഷിന് പെൺകുട്ടിയെ ഇഷ്ടമായിരുന്നുവെന്ന് റിപ്പോർട്ടുണ്ട്.