പാലക്കാട്: കേരളാ പ്രദേശ് ഗാന്ധിദർശൻ ഹരിതവേദി ജില്ലാ കമ്മിറ്റിയുടെ ആഭിമുഖ്യത്തിൽ കുഴൽമന്ദം വടക്കേവീട്ടുകളം പാടശേഖരത്തിൽ നെൽകൃഷി വിളവെടുപ്പ് ഉത്സവം നടത്തി. കർഷക കോൺഗ്രസ് സംസ്ഥാന സെക്രട്ടറി ജി.ശിവരാജൻ ഉദ്ഘാടനം ചെയ്തു. ഹരിതവേദി ജില്ലാ ചെയർമാൻ ആർ.ശിവദാസൻ അദ്ധ്യക്ഷത വഹിച്ചു. കെ.പി.ജി.ഡി ജില്ലാ ചെയർമാൻ പി.പി.വിജയകുമാർ മുഖ്യപ്രഭാഷണം നടത്തി. എ.ഗോപിനാഥൻ, എ.ശിവരാമകൃഷ്ണൻ, ടി.എൻ.ചന്ദ്രൻ, കെ.അജിത, യു.പി.മുരളീധരൻ, പി.എസ്.നാരായണൻ എന്നിവർ പങ്കെടുത്തു. ഹരിതവേദി യൂണിറ്റിലെ മികച്ച കർഷകരായ കെ.നാരായണൻ, ടി.സഹദേവൻ, വി. അരവിന്ദാക്ഷൻ, എ.പത്മനാഭൻ, എൻ.അശോകൻ എന്നിവരെ ആദരിച്ചു.