തെങ്ങമം : പത്തനംതിട്ട നെഹ്റു യുവകേന്ദ്രയുടെ ആഭിമുഖ്യത്തിൽ കൈതയ്ക്കൽ ബ്രദേഴ്‌സ് ഗ്രന്ഥശാല ആൻഡ് സാംസ്കാരിക കേന്ദ്രത്തിന്റെ സഹകരണത്തോടെ സംഘടിപ്പിച്ച ജില്ലാതല കായികമേള സമാപിച്ചു. ഫുട്‌ബാൾ, വോളിബാൾ, ബാഡ്മിന്റൺ, ക്രിക്കറ്റ്, മാരത്തൺ എന്നീ ഇനങ്ങളിലായാണ് മത്സരങ്ങൾ നടന്നത്. മേള പള്ളിക്കൽ പഞ്ചായത്ത് പ്രസിഡന്റ് സുശീലക്കുഞ്ഞമ്മക്കുറുപ്പ് ഉദ്ഘാടനം ചെയ്തു. നെഹ്റു യുവകേന്ദ്ര ജില്ലാ കോ -ഓർഡിനേറ്റർ സന്ദീപ് കൃഷ്ണ മുഖ്യപ്രഭാഷണം നടത്തി. ബ്രദേഴ്‌സ് എക്സിക്യൂട്ടീവ് കമ്മിറ്റി അംഗം ബിജു ബി.കെ അദ്ധ്യക്ഷത വഹിച്ചു. ഫുട്‌ബാൾ, വോളിബാൾ, ബാഡ്മിന്റൺ എന്നീ ഇനങ്ങളിൽ എട്ട് ടീമുകൾ വീതം മേളയിൽ പങ്കെടുത്തു. ഫുട്ബാളിൽ കൈതയ്ക്കൽ ബ്രദേഴ്സും വോളിബാളിൽ കുരമ്പാല സാംസ്‌ക്കാരികവേദിയും ക്രിക്കറ്റിൽ തെങ്ങമം ക്യാപിറ്റൽ ക്രിക്കറ്റ് ക്ലബും ബാഡ്മിന്റണിൽ ശംഭു, വിമൽ കൈതയ്ക്കൽ എന്നിവർ ഉൾപ്പെട്ട ടീമും മാരത്തോണിൽ സൂരജ്‌ എസും ചാമ്പ്യൻമാരായി. സമാപന സമ്മേളനം ബ്ലോക്ക് പഞ്ചായത്ത് പ്രസിഡന്റ് ആർ.തുളസീധരൻ പിള്ള ഉദ്ഘാടനം ചെയ്തു.ലൈബ്രറി കൗൺസിൽ താലൂക്ക് സെക്രട്ടറി ജി.കൃഷ്ണകുമാർ സമ്മാനവിതരണം നടത്തി. നെഹ്റു യുവകേന്ദ്ര ജില്ലാ കോ-ഓർഡിനേറ്റർ സന്ദീപ് കൃഷ്ണൻ പി മുഖ്യപ്രഭാഷണം നടത്തി. ബ്രദേഴ്‌സ് പ്രസിഡന്റ് വിമൽ കൈതയ്ക്കൽ അദ്ധ്യക്ഷത വഹിച്ചു. സെക്രട്ടറി ജയകുമാർ പി, ട്രഷറർ വിമൽ കുമാർ,ബ്രദേഴ്‌സ് കമ്മിറ്റി അംഗങ്ങളായ ബിജു.വി,അഭിമന്യു ബി, വിശ്വമോഹൻ കെ, ബിനു വെള്ളച്ചിറ,ബൈജു ആർ,ഗോവിന്ദ് കെ എന്നിവർ സംസാരിച്ചു.