പത്തനംതിട്ട : നെഹ്രു യുവ കേന്ദ്ര ദേശീയ തലത്തിൽ നടത്തുന്ന നാഷണൽ യൂത്ത് പാർലമെന്റ് പരിപാടിയിൽ പത്തനംതിട്ട ചിറ്റാർ സ്വദേശിനി സിനി സാബു കേരളത്തെ പ്രതിനിധീകരിച്ച് പങ്കെടുക്കും. പ്രധാനമന്ത്രി പങ്കെടുക്കുന്ന ചടങ്ങിൽ സിനി സാബു സംസാരിക്കും.
ജില്ലയിൽ നിന്നും നെഹ്രു യുവകേന്ദ്ര നടത്തിയ മത്സരത്തിൽ ഒന്നാം സ്ഥാനവും, സ്റ്റേറ്റ് ലെവലിൽ ഒന്നാം സ്ഥാനം നേടിയാണ് സിനി ദേശീയ മത്സരത്തിൽ പങ്കെടുക്കാൻ അർഹത നേടിയത്.
സിനി സാബു ഇഗ്‌നോവിൽ എം.എ ഇക്കണോമിക്‌സ് വിദ്യാർഥിനിയാണ്. പാലാ അൽഫോൺസാ കോളജിൽ നിന്ന് ബിഎ പഠിച്ചു. അച്ഛൻ, അമ്മ, അനിയത്തി, ചേച്ചി എന്നിവർ അടങ്ങുന്നതാണ് കുടുംബം.