തിരുവല്ല: എസ്.എൻ.ഡി.പി.യോഗം തിരുവല്ല യൂണിയൻതലത്തിലെ ആർ. ശങ്കർ മേഖലാ സമ്മേളനം നാളെ രാവിലെ 10മുതൽ ചുമത്ര ശാഖാ ഒാഡിറ്റോറിയത്തിൽ നടക്കും. ആർ.ശങ്കർ മേഖലയിലെ മുത്തൂർ 100, കുഴിവേലിപ്പുറം 103, വെൺപാല 1010, കാട്ടൂക്കര 1289, തെങ്ങേലി 1741, പടിഞ്ഞാറ്റുംശ്ശേരി 1880, ചുമത്ര 2048, കിഴക്കൻമുത്തൂർ 4343 എന്നീ ശാഖകളാണ് ചുമത്രയിൽ പങ്കെടുക്കുക. യൂണിയൻ പ്രസിഡന്റ് ബിജു ഇരവിപേരൂരിന്റെ അദ്ധ്യക്ഷതയിൽ കൂടുന്നയോഗം എസ്.എൻ.ഡി.പി യോഗം ഇൻസ്‌പെക്ടിംഗ് ഓഫീസർ എസ്. രവീന്ദ്രൻ ഉദ്ഘാടനം ചെയ്യും. യൂണിയൻ സെക്രട്ടറി അനിൽ എസ്. ഉഴത്തിൽ ആമുഖപ്രസംഗം നടത്തും. യോഗം അസി.സെക്രട്ടറി പി.എസ്.വിജയൻ സന്ദേശം നൽകും. യൂണിയൻ വൈസ് പ്രസിഡന്റ് കെ.ജി.ബിജു, നിയുക്ത ഡയറക്ടർ ബോർഡ്അംഗം സന്തോഷ് തങ്കപ്പൻ, യൂണിയൻ കൗൺസിലർമാരായ ബിജു മേത്താനം,രാജേഷ്‌കുമാർ.ആർ, പ്രസന്നകുമാർ, മനോജ് ഗോപാൽ, സരസൻ റ്റി.ജെ, അനിൽ ചക്രപാണി,പഞ്ചായത്ത് കമ്മിറ്റിയംഗങ്ങളായ കെ.കെ.രവി,കെ.എൻ.രവീന്ദ്രൻ വനിതാസംഘം പ്രസിഡന്റ് സുമാ സജികുമാർ,സെക്രട്ടറി സുധാഭായ് ബ്രഹ്മാനന്ദൻ, കുമാരിസംഘം കോർഡിനേറ്റർ ശോഭ ശശിധരൻ,യൂത്ത്മൂവ്‌മെന്റ് പ്രസിഡന്റ് വിശാഖ് പി.സോമൻ,സെക്രട്ടറി സൂര്യകിരൺ,വൈദീകസമിതി പ്രസിഡന്റ് ഷിബു ശാന്തി, സെക്രട്ടറി സുജിത്ത് ശാന്തി, ചുമത്ര ശാഖ സെക്രട്ടറി കെ.എൻ.അനിരുദ്ധൻ, ശാഖ പ്രസിഡന്റ് എൻ.ആർ.പ്രസാദ് എന്നിവർ പ്രസംഗിക്കും. രാവിലെ 10 മുതൽ ഗുരുദേവ ദർശനവും സംഘടനയും എന്ന വിഷയത്തെ ആസ്പദമാക്കി യൂത്ത്മൂവ്‌മെന്റ് കേന്ദ്രസമിതി ജോ.കൺവീനർ സജീഷ് കോട്ടയം ക്ലാസ് നയിക്കും. 13ന് രാവിലെ 10ന് 1347-ാംഇരവിപേരൂർ ശാഖാ ഒാഡിറ്റോറിയത്തിൽ സഹോദരൻ അയ്യപ്പൻ മേഖലയുടെയും 20ന് രാവിലെ 10ന് 434-ാം നമ്പർ മണ്ണന്തോട്ടുവഴി ശാഖാ ഒാഡിറ്റോറിയത്തിൽ ഡോ. പൽപ്പു മേഖലയുടെയും 27ന് രാവിലെ 10ന് 1153-ാം നമ്പർ നെടുമ്പ്രം ശാഖാ ഒാഡിറ്റോറിയത്തിൽ സി.കേശവൻ മേഖലയുടെയും ഏപ്രിൽ 3ന് രാവിലെ 10ന് 101-ാം നമ്പർ കീഴ്‌വായ്പൂർ ശാഖാ ഒാഡിറ്റോറിയത്തിൽ കുമാരനാശാൻ മേഖലയുടെയും മേഖലാ സമ്മേളനങ്ങൾ നടക്കും.