റാന്നി: ഷെഡിൽ സൂക്ഷിച്ചിരുന്ന 4 ഇരുമ്പുഷീറ്റുകൾ ഓട്ടോറിക്ഷയിൽ കടത്തിയവരെ പൊലീസ് പിടികൂടി. റാന്നി പുതുശേരിമല വിനീഷ് ഭവനിൽ വിനേഷ് കുമാർ എ.വി (36), വടശ്ശേരിക്കര ഇടക്കുളം മുല്ലത്താനത്ത് സിബി എം.എസ് (40), പഴവങ്ങാടി ചെല്ലക്കാട് മഠത്തുംപടി പാറക്കുഴിയിൽ തങ്കച്ചൻ (57) എന്നിവരെ റാന്നി പൊലീസ് ഇൻസ്‌പെക്ടർ എം.ആർ സുരേഷിന്റെ നേതൃത്വത്തിലാണ് പിടികൂടിയത്. റാന്നി പഴവങ്ങാടി ഇട്ടിയപ്പാറ ബസ് സ്റ്റാൻഡിനു സമീപം ചാലുങ്കൽ സി.പി.വർഗീസിന്റെ ഉടമസ്ഥതയിലുള്ള ഷെഡിൽ സൂക്ഷിച്ചിരുന്ന ഇരുമ്പ് ഷീറ്റുകൾ ഇന്നലെ ഉച്ചക്ക് ഒരുമണിയോടെയാണ് മോഷ്ടാക്കൾ കടത്തിയത്. അന്വേഷണ സംഘത്തിൽ എസ്.ഐ മാരായ സായി സേനൻ, അനിൽ എസ് .കെ, എസ്. സി. പി. ഓ മാരായ മണിലാൽ, സുധീഷ്, ബിജു, സി. പി .ഓ മാരായ ജോൺ ഡേവിഡ് ജോയ്, സുഭാഷ് ചന്ദ്രൻ എന്നിവരും ഉണ്ടായിരുന്നു.