മല്ലപ്പള്ളി: കോട്ടാങ്ങൽ മഹാ ഭദ്രകാളി ക്ഷേത്രത്തിലെ പൊങ്കാല മഹോത്സവം കുംഭഭരണി നാളായ നാളെ നടക്കും

കോട്ടാങ്ങൽ, കല്ലൂപ്പാറ ഭഗവതിമാരുടെ ദർശനം ഒരേ നാളിൽ ലഭിക്കുന്നു എന്ന അസുലഭ സന്ദർഭമാണ് പൊങ്കാല നാളിൽ വന്നുചേരുന്നത്.അന്നേ നാളിൽ കാവും കടവിൽ നിന്നും കല്ലൂപ്പാറ ഭഗവതിയെ എതിരേറ്റ് ക്ഷേത്രത്തിലേക്ക് എഴുന്നെള്ളിക്കും. തുടർന്ന് ഇരു ഭഗവതിമാർക്കും വിശേഷാൽ പൂജകൾ നടക്കും. തന്ത്രിമുഖ്യൻ കുഴിക്കാട്ട് ഇല്ലത്ത് അഗ്നിശർമ്മൻ നാരായണൻ വാസുദേവൻ ഭട്ടതിരിപ്പാടിന്റെ മുഖ്യകാർമികത്വത്തിലാണ് പൊങ്കാല ചടങ്ങുകൾ നടക്കുന്നത്. ക്ഷേത്ര മേൽശാന്തി വിശ്വനാഥ് പി നമ്പൂതിരി സഹകാർമികത്വം വഹിക്കും.പൊങ്കാല മഹോത്സവത്തിന്റെ ഔദ്യോഗിക ഉദ്ഘാടനം പാലാ അരുണാപുരം ശ്രീരാമകൃഷ്ണ മഠം മഠാധിപതി , സ്വാമി വീത സംഗാനന്ദ നിർവഹിക്കും. കോട്ടാങ്ങൽ ദേവസ്വം ചെയർമാൻ രാജീവ് കോന്നി അദ്ധ്യക്ഷത വഹിക്കും. കൊവിഡ് പ്രോട്ടോകോൾ പാലിച്ച് എല്ലാ ചടങ്ങുകളും നടത്തുന്നതായിരിക്കുമെന്ന് ദേവസ്വം പ്രസിഡന്റ് സുനിൽ വെള്ളിക്കര, സെക്രട്ടറി സുനിൽ താന്നിക്ക പൊയ്കയിൽ എന്നിവർ അറിയിച്ചു.