പ​ന്ത​ളം: യു​ദ്ധം പൊ​ട്ടി​പ്പു​റ​പ്പെ​ട്ട യു​ക്രൈ​നിൽ നി​ന്ന് ദുരിതയാത്രയ്ക്കൊടുവിൽ തു​മ്പ​മൺ നോർ​ത്ത് വ​ട​ക്കേ​മു​റി​യിൽ വി​ട്ടിൽ ജി​ന്നി റേ​ച്ചൽ ജോൺ മടങ്ങിയെത്തി. കേ​ര​ള ജ​ന​പ​ക്ഷം (സെ​ക്യു​ലർ) പ​ത്ത​നം​തി​ട്ട ജി​ല്ലാ പ്ര​സി​ഡന്റ് ഇ.ഒ. ജോ​ണി​ന്റെ​യും തു​മ്പ​മൺ നോർ​ത്ത് ജി.എ​ച്ച്.എ​ച്ച്.എ​സ്. സ്​കൂൾ അ​ദ്ധ്യാ​പി​ക ജീ​ജ​യു​ടെ​യും മ​ക​ളാ​ണ് യു​ക്രൈ​നി​ലെ സാ​പ്രോ​ഷി​യ മെ​ഡി​ക്കൽ യൂ​ണി​വേ​ഴ്‌​സി​റ്റി​യി​ലെ ഒ​ന്നാം വർ​ഷ എം.ബി.ബി.എ​സ്. വി​ദ്യാർ​ത്ഥി​നി ജി​ന്നി.
എ​ഴു​ന്നു​റോ​ളം ഇ​ന്ത്യ​ക്കാ​രാ​യ വി​ദ്യാർ​ത്ഥി​ക​ളാ​ണ് അ​വി​ടെ പഠി​ച്ചി​രു​ന്ന​ത്. ഹോ​സ്റ്റ​ലി​ലെ അ​ഞ്ചാം നി​ല​യി​ലാ​യി​രു​ന്നു വി​ദ്യാർ​ത്ഥി​കൾ മി​ക്ക​വ​രും താ​മ​സി​ച്ചി​രു​ന്ന​ത്. യു​ദ്ധം ആ​രം​ഭി​ച്ച​തോ​ടെ മു​ന്ന​റി​യി​പ്പ് ല​ഭി​ക്കു​മ്പോൾ ബ​ങ്ക​റി​ലേ​ക്കോ​ടി ര​ക്ഷ​തേ​ട​ണം. അ​തോ​ടെ, പ​ക​ലും രാ​ത്രി​യും ഏ​റെ നേ​ര​വും പൊ​ടി​പ​ട​ല​ങ്ങൾ നി​റ​ഞ്ഞ ബ​ങ്ക​റി​ലാ​യി​രു​ന്നു വി​ദ്യാർ​ത്ഥി​കൾ ക​ഴി​ഞ്ഞി​രു​ന്ന​ത്.
ക​ഴി​ഞ്ഞ 28ന് നാ​ട്ടി​ലേ​ക്കു മ​ട​ങ്ങിപ്പോ​കാൻ ത​യ്യാ​റെ​ടു​ക്കാൻ യൂ​ണി​വേ​ഴ്‌​സി​റ്റി​യിൽ നിന്ന് നിർ​ദ്ദേ​ശം ല​ഭി​ച്ചു. ഏറെ ബുദ്ധിമുട്ടിയാണ് ഹം​ഗേ​റി​യൻ അ​തിർ​ത്തി​യി​ലെ ചോ​പ് റെ​യിൽ​വേ സ്റ്റേ​ഷ​നി​ലെ​ത്തിയത്. കൂ​ടു​തൽ സ​മ​യം എ​ടു​ത്ത​തി​നാൽ ക​യ്യിൽ ക​രു​തി​യ ഭ​ക്ഷ​ണ സാ​ധ​ന​ങ്ങ​ളും കു​ടി​വെ​ള്ള​വും തീർന്നതോടെ പട്ടിണിയിലായി. പി​ന്നീ​ടു ചോ​പ്പി​ലെ​ത്തി ട്രെ​യിൻ ഇ​റ​ങ്ങി​യ​പ്പോ​ഴാ​ണ് ആ​ഹാ​രം ക​ഴി​ച്ച​ത്.
അവിടെ നിന്ന് ഹം​ഗേ​റി​യൻ ത​ല​സ്ഥാ​ന​മാ​യ ബു​ഡാ​പെ​സ്റ്റി​ലെ​ത്താൻ ഒ​രു ദി​വ​സം യാ​ത്ര ചെ​യ്യേ​ണ്ട​തു​ണ്ടാ​യി​രു​ന്നു. എ​യർ​ഫോ​ഴ്‌​സിന്റെ പ്ര​ത്യേ​ക വി​മാ​ന​ത്തിലാണ് ഡൽ​ഹി​യി​ലെ​ത്തിയത്.