അടൂർ: ബൈക്കുകൾ തമ്മിൽ കൂട്ടിയിടിച്ച് റോഡിലേക്ക് തെറിച്ചുവീണ അദ്ധ്യാപകൻ ബസ് കയറി മരിച്ചു. ശാസ്താംകോട്ട ജെ. എം ഹൈസ്കൂൾ അദ്ധ്യാപകൻ ഭരണിക്കാവ് മുതുപിലാക്കോട് പടിഞ്ഞാറ് മെഴുവേലിൽ പുത്തൻവീട്ടിൽ ഷിബു കെ. ഉമ്മൻ (50) ആണ് മരിച്ചത് . ഇന്നലെ വൈകിട്ട് ആറിന് തട്ട പെട്രോൾ പമ്പിന് സമീപമായിരുന്നു അപകടം. സ്കൂൾ മാനേജരുടെ ഭാര്യാമാതാവിന്റെ മരണവിവരറിഞ്ഞ് ബൈക്കിൽ ആവിടേക്ക് പോകുമ്പോൾ എതിരെ വന്ന ബൈക്കുമായി കൂട്ടിയിടിക്കുകയായിരുന്നു. പത്തനംതിട്ടയിൽ നിന്ന് അടൂരിലേക്ക് വരികയായിരുന്നു ബസ്. ഭാര്യ: ലീന (അദ്ധ്യാപിക) . മക്കൾ: നോയൽ, നീയ എം. ഷിബു