മല്ലപ്പള്ളി : കിണറ്റിൽ വീണ കോഴിയെ രക്ഷിക്കാൻ ഇറങ്ങിയ യുവാവിനെ ദേഹാസ്വാസ്ഥ്യം അനുഭവപ്പെട്ടതിനെ തുടർന്ന് തിരുവല്ലയിൽ നിന്നും അഗ്നി രക്ഷാ സേനഎത്തി രക്ഷപെടുത്തി. ബുധനാഴ്ച ഉച്ചക്ക് മൂന്ന് മണിയോടെ ആയിരുന്നു സംഭവം. പരിയാരം തെക്കേ മുറിയിൽ തങ്കമ്മ ജോണിന്റെ വീടിനോട് ചേർന്നുള്ള 30 അടിയോളം താഴ്ചയുള്ള കിണറ്റിൽ അകപ്പെട്ട തുരുത്തിക്കാട് മരുതി കുന്നിൽ വീട്ടിൽ രാജനെയാണ് അഗ്നി രക്ഷാ സേനയെത്തി രക്ഷപെടുത്തിയത്.ഫയർ സ്റ്റേഷൻ ഇൻ ചാർജ് പി. ശശിധരൻ ഉദ്യോഗസ്ഥരായ എം.കെ രാജേഷ് കുമാർ , ഹരിലാൽ, ഷംനാദ്, അരുൺ മോഹൻ , നൗഫൽ, കെ.പി ഷാജി, ഷിബു , ജയൻ , മാത്യു എന്നിവരടങ്ങുന്ന സംഘത്തിന്റെ നേതൃത്വത്തിലായിരുന്നു രക്ഷാ പ്രവർത്തനം .