തിരുവല്ല: മുത്തൂർ കാരിക്കോട് തൃക്കണ്ണപുരം ശ്രീകൃഷ്ണസ്വാമി ക്ഷേത്രത്തിൽ ലക്ഷ്മീ നാരായണ പൊങ്കാല 16ന് നടക്കും. രാവിലെ 6.45 മുതൽ 8 വരെയാണ് ചടങ്ങുകൾ. 6.45ന് തിരുവിതാംകൂർ ദേവസ്വം ബോർഡ് പ്രസിഡന്റ് അഡ്വ.കെ. അനന്തഗോപൻ ഉദ്ഘാടനം ചെയ്യും. തന്ത്രി അക്കീരമൺ കാളിദാസ ഭട്ടതിരി ശ്രീകോവിലിൽ നിന്ന് പകർന്നുനൽകുന്ന പൊങ്കാല ദീപത്തിൽ നിന്ന് മേൽശാന്തി പണ്ടാര അടുപ്പിൽ അഗ്നി തെളിക്കും. തുടർന്ന് പൊങ്കാല അടുപ്പുകളിലേക്ക് ദീപംപകരും. 8ന് പൊങ്കാല നിവേദ്യം സമർപ്പിക്കും.