ചെങ്ങന്നൂർ : എസ്.എൻ.ഡി.പി യോഗം ചെങ്ങന്നൂർ യൂണിയൻ ബുധനൂർ മേഖലാ സംയുക്തയോഗം ഇന്ന് വൈകിട്ട് 3ന് 1827​ാം നമ്പർ ബുധനൂർ കിഴക്ക് ശാഖാ പ്രാർത്ഥനാഹാളിൽ നടക്കും. യൂണിയൻ ചെയർമാൻ അനിൽ അമ്പാടിയുടെ അദ്ധ്യക്ഷതയിൽ കൂടുന്ന യോഗത്തിൽ യൂണിയൻ കൺവീനർ അനിൽ പി.ശ്രീരംഗം യോഗത്തിന്റെയും യൂണിയന്റെയും വിവിധ ക്ഷേമപദ്ധതികളും സംഘടനാ റിപ്പോർട്ടും അവതരിപ്പിക്കും. യൂണിയൻ വൈസ് ചെയർമാൻ രാഖേഷ് പി.ആർ., അഡ്.കമ്മിറ്റി അംഗങ്ങളായ എസ്.ദേവരാജൻ, ബി.ജയപ്രകാശ് തൊട്ടാവാടി, സരേഷ് വല്ലന, മോഹനൻ കൊഴുവല്ലൂർ, അനിൽ കണ്ണാടി എന്നിവർ പ്രസംഗിക്കും. ഇലഞ്ഞിമേൽ, കടമ്പൂര്, ബുധനൂർ കിഴക്ക്, പുലിയൂർ വടക്ക് എന്നീശാഖകളിലെ മുഴുവൻ ഭാരവാഹികളും പോഷക സംഘടനാ ശാഖാ ഭാരവാഹികളും പങ്കെടുക്കും. യൂണിയൻ അഡ്.കമ്മിറ്റി അംഗം കെ.ആർ.മോഹനൻ സ്വാഗതവും ശാഖായോഗം വൈസ് പ്രസിഡന്റ് പി.ഡി.രാജു നന്ദിയും പറയും.