തിരുവല്ല: കായംകുളം - തിരുവല്ല സംസ്ഥാന പാതയിലെ ആലംതുരുത്തിയിൽ സ്വകാര്യ ബസ് സൈക്കിളിലിടിച്ചുണ്ടായ അപകടത്തിൽ അന്യസംസ്ഥാന തൊഴിലാളി മരിച്ചു. പശ്ചിമ ബംഗാൾ മംഗൾകോട്ട് ബലിഡങ്ക സ്വദേശി ഹരിദാസ് റോയ് (19) ആണ് മരിച്ചത്. ആലംതുരുത്തി ജംഗ്ഷന് സമീപം ഇന്നലെ രാവിലെ എട്ടിനാണ് അപകടം. കായംകുളത്ത് നിന്ന് തിരുവല്ലയിലേക്ക് വന്ന സ്വകാര്യ ബസ് ഇതേദിശയിലേക്ക് സൈക്കിളിൽ പോവുകയായിരുന്ന ഹരിദാസിനെ ഇടിക്കുകയായിരുന്നു. തിരുവല്ല താലൂക്ക് ആശുപത്രിയിൽ എത്തിച്ചെങ്കിലും രക്ഷിക്കാനായില്ല. ബസ് പുളിക്കീഴ് പോലീസ് കസ്റ്റഡിയിലെടുത്തു.