 
തിരുവല്ല : ചാത്തങ്കരി അമിച്ചകരിലെ വീട്ടിൽ പൊലീസ് നടത്തിയ റെയ്ഡിൽ 85 ഗ്രാം കഞ്ചാവുമായി യുവാവ് പിടിയിലായി. അമിച്ചകരി മണലിൽ തെക്കേതിൽ വീട്ടിൽ വികാസ് ബാബു (30) ആണ് ഇന്നലെ വൈകിട്ട് പുളിക്കീഴ് പൊലീസിന്റെ പിടിയിലായത്. റെയ്ഡിൽ വികാസിന്റെ കിടപ്പുമുറിയിലെ അലമാരയിൽ ട്രാവൽ ബാഗിൽ ഒളിപ്പിച്ച നിലയിൽ കഞ്ചാവ് കണ്ടെത്തുകയായിരുന്നു. പെരിങ്ങര കേന്ദ്രീകരിച്ച് പ്രവർത്തിക്കുന്ന കഞ്ചാവ് മാഫിയയുടെ പ്രധാന കണ്ണിയാണ് വികാസെന്ന് പുളിക്കീഴ് പൊലീസ് പറഞ്ഞു.