തിരുവല്ല: എസ്.എൻ.ഡി.പി.യോഗം തിരുവല്ല യൂണിയൻതല ഡോ.പൽപ്പു മേഖലാ സമ്മേളനം നിരണം മണ്ണന്തോട്ടുവഴി ശാഖ ഒാഡിറ്റോറിയത്തിൽ 20ന് രാവിലെ 10ന് നടക്കും. കടപ്ര,നിരണം 313,പരുമല സരസകവീശ്വരം 365,മണ്ണന്തോട്ടുവഴി 434, മണ്ണന്തോട്ടുവഴി ഈസ്റ്റ് 1385,നിരണം നോർത്ത് 1722,പരുമല ഈസ്റ്റ് 3295, തേവേരി 3387, കടപ്ര വളഞ്ഞവട്ടം 4158 എന്നീ ശാഖകൾ സമ്മേളനത്തിൽ പങ്കെടുക്കും. യൂണിയൻ സെക്രട്ടറി അനിൽ എസ്.ഉഴത്തിലിന്റെ അദ്ധ്യക്ഷതയിൽ കൂടുന്നയോഗം യൂണിയൻ പ്രസിഡന്റ് ബിജു ഇരവിപേരൂർ ഉദ്ഘാടനം ചെയ്യും. യോഗം അസി.സെക്രട്ടറി പി.എസ്.വിജയൻ സന്ദേശം നൽകും. യോഗം ഇൻസ്‌പെക്ടിംഗ് ഓഫീസർ എസ്. രവീന്ദ്രൻ മുഖ്യപ്രഭാഷണം നടത്തും. യൂണിയൻ വൈസ് പ്രസിഡന്റ് കെ. ജി ബിജു, നിയുക്ത ഡയറക്ടർ ബോർഡ് അംഗം സന്തോഷ് തങ്കപ്പൻ, യൂണിയൻ കൗൺസിലർമാരായ ബിജു മേത്താനം, രാജേഷ്‌കുമാർ ആർ, പ്രസന്നകുമാർ, മനോജ് ഗോപാൽ, സരസൻ റ്റി.ജെ., അനിൽ ചക്രപാണി, പഞ്ചായത്ത് കമ്മിറ്റിയംഗങ്ങളായ കെ.കെ. രവി, കെ.എൻ. രവീന്ദ്രൻ, വനിതാസംഘം പ്രസിഡന്റ് സുമാ സജികുമാർ, സെക്രട്ടറി സുധാഭായ് ബ്രഹ്മാനന്ദൻ, കുമാരിസംഘം കോർഡിനേറ്റർ ശോഭ ശശിധരൻ, യൂത്ത്മൂവ്‌മെന്റ് പ്രസിഡന്റ് വിശാഖ് പി.സോമൻ, സെക്രട്ടറി സൂര്യകിരൺ, വൈദികസമിതി പ്രസിഡന്റ് ഷിബു ശാന്തി, സെക്രട്ടറി സുജിത്ത് ശാന്തി എന്നിവർ പ്രസംഗിക്കും. മണ്ണന്തോട്ടുവഴി ശാഖ കമ്മിറ്റി ഇൻചാർജ് ഷാജി അയ്യാടിയിൽ സ്വാഗതവും ശാഖ ആക്ടിംഗ് പ്രസിഡന്റ് ശശിധരൻ നന്ദിയും പറയും. രാവിലെ 10 മുതൽ ഗുരുദേവ ദർശനവും സംഘടനയും എന്ന വിഷയത്തെ ആസ്പദമാക്കി കോടുകുളഞ്ഞി വിശ്വധർമ്മ മഠാധിപതി സ്വാമി ശിവബോധാനന്ദ ക്ലാസ് നയിക്കും. ഈ മാസം 27ന് രാവിലെ 10ന് 1153-ാം നമ്പർ നെടുമ്പ്രം ശാഖാ ഒാഡിറ്റോറിയത്തിൽ സി. കേശവൻ മേഖലയുടെയും ഏപ്രിൽ 3ന് രാവിലെ 10ന് 101-ാം നമ്പർ കീഴ്‌വായ്പൂർ ശാഖാ ഒാഡിറ്റോറിയത്തിൽ കുമാരനാശാൻ മേഖലയുടെയും സമ്മേളനങ്ങൾ നടക്കും.