മല്ലപ്പള്ളി: സ്വകാര്യ ബസുകൾക്കെതിരെ പരാതി വ്യാപകമായതോടെ പത്തനംതിട്ട ആർ.ടി.ഒ മിന്നൽ പരിശോധന നടത്തി.

മല്ലപ്പള്ളി താലൂക്കിൽ സ്വകാര്യ, കെ.എസ്.ആർ.ടി.സി വാഹനങ്ങൾക്കെതിരെ പരാതി രൂക്ഷമാണ്. പത്തനംതിട്ട റീജിയണൽ ട്രാൻസ്പോർട്ട് ഓഫീസർ എ.കെ.ദിലുവാണ് പരിശോധനയ്ക്കെത്തിയത്. സ്വകാര്യ ബസുകൾ സമയക്രമം പാലിക്കാതെയും സ്കൂൾ കുട്ടികളെ കയറ്റാതെയും സർവീസ് നടത്തുന്നതായി പരാതി ഉയർന്നിരുന്നു. സമയക്രമം പാലിക്കാതെയുള്ള സ്വകാര്യ ബസിന്റെ മത്സരയോട്ടം പിടിക്കപ്പെട്ടു.ബസിനെതിരെ കേസെടുത്തിട്ടുണ്ട്. ബസുകളുടെ ഫിറ്റ്നസ് പരിശോധിച്ചു. ഫുട് ബോർഡ് അടക്കം ഇളകിയിരുന്ന സ്വകാര്യ ബസുകൾ അഞ്ച് ദിവസത്തിനുള്ളിൽ പോരായ്മകൾ പരിഹരിച്ച് പരിശോധനയ്ക്ക് ഹാജരാക്കാനും നിർദ്ദേശം നൽകി. പരിശോധനയ്ക്ക് മോട്ടോർ വെഹിക്കിൾ ഇൻസ്പെക്ടർ ശ്രീജിത്ത്, എ.എം.വിമാരായ ഹരി, ബിനോജ് എന്നിവരുമുണ്ടായിരുന്നു