തിരുവല്ല: എം.സി.റോഡിൽ കെ.എസ്.ആർ.ടി.സി ബസിടിച്ച് സ്കൂട്ടർ യാത്രികന് ദാരുണാന്ത്യം. പന്തളം മങ്ങാരം നാലുതുണ്ടത്തിൽ വീട്ടിൽ ഷഹാസ് (45) ആണ് മരിച്ചത്. ഇന്നലെ വൈകിട്ട് അഞ്ചിന് ളായിക്കാട് പെട്രോൾ പമ്പിന് സമീപമായിരുന്നു അപകടം. ഇരുവാഹനങ്ങളും തിരുവല്ല ഭാഗത്തേക്ക് വരികയായിരുന്നു. പാലായിൽ നിന്ന് തിരുവനന്തപുരത്തേക്ക് പോവുകയായിരുന്ന സൂപ്പർ ഫാസ്റ്റ് ബസ് ഷഹാസ് സഞ്ചരിച്ച സ്കൂട്ടറിൽ ഇടിക്കുകയായിരുന്നു. റോഡിലേക്ക് തെറിച്ചുവീണ ഷഹാസിന്റെ തലയിൽ കൂടി ബസിന്റെ പിൻചക്രം കയറിയിറങ്ങുകയായിരുന്നു