പത്തനംതിട്ട: നഗരസഭാ പ്രദേശത്തെ 147 കുടുംബങ്ങൾക്ക് കുടിവെള്ള ടാങ്കുകളും 41 കുടുംബങ്ങൾക്ക് കട്ടിലുകളും വിതരണം ചെയ്തു. വിതരണോദ്ഘാടനം നഗരസഭാ ചെയർമാൻ അഡ്വ. ടി. സക്കീർ ഹുസൈൻ നിർവഹിച്ചു. ക്ഷേമകാര്യ സ്റ്റാൻഡിംഗ് കമ്മിറ്റി ചെയർപേഴ്സൺ അംബികാവേണു അദ്ധ്യക്ഷയായി, ഡെപ്യൂട്ടി ചെയർപേഴ്സൺ ആമിനാ ഹൈദരാലി, ആരോഗ്യ സ്റ്റാൻഡിംഗ് കമ്മിറ്റി ചെയർമാൻ ജെറി അലക്സ്, കൗൺസിലർമാരായ ആർ.സാബു, ഷീല സത്താർ, കുടുംബശ്രീ മെമ്പർ സെക്രട്ടറി അനിത. ഇ.ബി തുടങ്ങിയവർ പങ്കെടുത്തു.