പന്തളം: പത്തനംതിട്ട ജില്ലയിലെ മികച്ച സംഘടനയ്ക്കുള്ള നെഹ്രു യുവകേന്ദ്ര പുരസ്‌കാരം പന്തളം ചേരിക്കൽ ത്രീസ്റ്റാറിനു ലഭിച്ചു. നെഹ്രു യുവകേന്ദ്ര ജില്ലാ കോ ഓർഡിനേറ്റർ സന്ദീപ് കൃഷ്ണയുടെ അദ്ധ്യക്ഷതയിൽ ചേർന്ന യോഗത്തിൽ ഡെപ്യൂട്ടി സ്പീക്കർ ചിറ്റയം ഗോപകുമാർ പുരസ്‌കാരം നൽകി. പത്തനംതിട്ട മുനിസിപ്പൽ ചെയർമാൻ അഡ്വ, ടി. സക്കീർ ഹുസൈൻ മുഖ്യാതിഥിയായിരുന്നു. അസിസ്റ്റന്റ് ജില്ലാ കളക്ടർ സന്ദീപ് കുമാർ, ജില്ലാ യുവജനക്ഷേമ ഓഫീസർ എസ്.ബി. ബീന, നഗരസഭാ കൗൺസിലർ സിന്ധു അനിൽകുമാർ എന്നിവർ പ്രസംഗിച്ചു. ത്രീസ്റ്റാർ പ്രസിഡന്റ് നിബിൻ രവീന്ദ്രൻ, സെക്രട്ടറി പ്രമോദ് കണ്ണങ്കര, വിനീത് വി എന്നിവർ പങ്കെടുത്തു.