പത്തനാപുരം: ഗാന്ധിഭവനിൽ അന്തർദേശീയ വനിതാ ദിനാചരണം ഇന്ന് രാവിലെ 10 ന് സംസ്ഥാന വനിതാ കമ്മിഷൻ അംഗം ഡോ. ഷാഹിദാ കമാൽ ഉദ്ഘാടനം നിർവഹിക്കും. ചടങ്ങിൽ ജീവകാരുണ്യം, ആതുരശുശ്രൂഷ, കലാസാംസ്കാരിക സാമൂഹിക സേവനം, അദ്ധ്യാപനം തുടങ്ങിയ വിവിധ മേഖലകളിലെ പ്രതിഭകളായ വനിതകൾക്ക് ആദരം നൽകും. പത്തനാപുരം ബ്ലോക്ക് പഞ്ചായത്ത് പ്രസിഡന്റ് എസ്. ആനന്ദവല്ലി അദ്ധ്യക്ഷത വഹിക്കുന്ന ചടങ്ങിൽ സംസ്ഥാന ഓർഫനേജ് കൺട്രോൾ ബോർഡ് മെമ്പറും ഗാന്ധിഭവൻ സെക്രട്ടറിയുമായ ഡോ. പുനലൂർ സോമരാജൻ ആമുഖം നൽകും. ചടങ്ങിൽ പ്രമുഖ സാമൂഹിക പ്രവർത്തക റാണി മോഹൻദാസ് മുഖ്യാതിഥിയാകും. ഗാന്ധിഭവൻ വൈസ് ചെയർമാൻ പി .എസ് .അമൽരാജ് സ്വാഗതം പറയും. ജില്ലാ പഞ്ചായത്ത് അംഗം സുനിത രാജേഷ്, ബ്ലോക്ക് പഞ്ചായത്ത് അംഗം ഷീജ ഷാനവാസ്, ഗ്രാമപഞ്ചായത്ത് അംഗം സി. വിജയ, മുൻ ഗ്രാമപഞ്ചായത്ത് പ്രസിഡന്റ് ഫാത്തിമഖാൻ എന്നിവർ ചടങ്ങിൽപങ്കെടുക്കും. ഗാന്ധിഭവൻ ഷെൽട്ടർഹോം കൗൺസിലർ സ്നേഹ മേരി ബിനു നന്ദി പറയും.