പത്തനാപുരം : എസ്.എൻ.ഡി.പി യോഗം പത്തനാപുരം യൂണിയനിലെ പിറവന്തൂർ മേഖലയിലെ 1751-നമ്പർ എലിക്കാട്ടൂർ ശാഖയിൽ വാർഷിക പൊതുയോഗവും ഭരണസമിതി തിരഞ്ഞെടുപ്പും ശാഖ മന്ദിരത്തിൽ നടന്നു. യൂണിയൻ വൈസ് പ്രസിഡന്റ് കെ.കെ.ശശീന്ദ്രന്റെ അദ്ധ്യക്ഷതയിൽ യൂണിയൻ പ്രസിഡന്റ് ആദംകോട് കെ. ഷാജി ഉദ്ഘാടനം ചെയ്തു.

സെക്രട്ടറി എസ്. സജീവ് കുമാർ ശാഖയുടെ പ്രവർത്തന റിപ്പോർട്ടും വരവ് ചെലവ് കണക്കും അവതരിപ്പിച്ചു. വനിതാ സംഘത്തിന്റെ വരവ് ചെലവ് കണക്കും റിപ്പോർട്ടും പ്രസിഡന്റ് മിനി പ്രസാദ് അവതരിപ്പിച്ചു. തുടർന്ന് ശാഖ, വനിതാസംഘം, യൂത്ത്മൂവ്മെന്റ്, യൂണിയൻ വാർഷിക പ്രതിനിധി എന്നിവയുടെ തിരഞ്ഞെടുപ്പ് നടന്നു.

യോഗം ഡയറക്ടർ ബോർഡ്‌ അംഗം പിറവന്തൂർ ഗോപാലകൃഷ്ണൻ, യൂണിയൻ കൗൺസിലർ വി.ജെ. ഹരിലാൽ, യൂണിയൻ കൗൺസിലറും വനിതസംഘം യൂണിയൻ സെക്രട്ടറിയുമായ എസ്. ശശിപ്രഭ, യൂണിയൻ കൗൺസിലറും യൂത്ത്മൂവ്മെന്റ് യൂണിയൻ പ്രസിഡന്റുമായ റിജു വി. ആമ്പാടി, യൂണിയൻ പഞ്ചായത്ത്‌ കമ്മിറ്റി അംഗം എൻ.പി.ഗണേഷ് കുമാർ, വനിതാസംഘം യൂണിയൻ പ്രസിഡന്റ് സുലതപ്രകാശ്, യൂണിയൻ യൂത്ത്മൂവ്മെന്റ് സെക്രട്ടറി ബിനു സുരേന്ദ്രൻ എന്നിവർ സംസാരിച്ചു.

ഭാരവാഹികളായി ആർ. പ്രകാശ് (പ്രസിഡന്റ്), സോണി ശ്രീകുമാർ (വൈസ് പ്രസിഡന്റ്), എസ്.സജീവ് കുമാർ (സെക്രട്ടറി ), മിനി പ്രസാദ് (യൂണിയൻ പ്രതിനിധി), ലൈല ബാബു, സവിത ദിലീപ്, ആർ. സുഗതൻ, പവിഴം ജയപ്രകാശ്, പൊന്നമ്മ ഗോപാലകൃഷ്ണൻ, മധുസൂദനൻ, തൃദീപ് (കമ്മിറ്റി അംഗങ്ങൾ ) കനകമ്മ രാമചന്ദ്രൻ, സി. അനിൽ കുമാർ, എ. എൻ വസന്തകുമാരി (പഞ്ചായത്ത്‌ കമ്മിറ്റി അംഗങ്ങൾ) എന്നിവരെ തിരെഞ്ഞെടുത്തു. ശാഖ പ്രസിഡന്റ് ആർ. പ്രകാശ് സ്വാഗതവും വൈസ് പ്രസിഡന്റ് സോണി ശ്രീകുമാർ നന്ദിയും പറഞ്ഞു.