കൊല്ലം: നടയ്ക്കൽ സർവീസ് സഹകരണ ബാങ്കിന്റെ ആഭിമുഖ്യത്തിൽ യുവജന സഹകാരി സംഗമവും നിക്ഷേപം സ്വീകരിക്കലും അംഗത്വ വിതരണവും ആറയിൽ ബ്രാഞ്ച് അങ്കണത്തിൽ നടന്നു. പ്രൈമറി കോ ഓപ്പറേറ്റീവ് അസോസിയേഷൻ ജില്ലാ സെക്രട്ടറി കെ.സേതുമാധവൻ ഉദ്ഘാടനം നിർവ്വഹിച്ചു. ബാങ്ക് പ്രസിഡന്റ് വി.ഗണേശ് അദ്ധ്യക്ഷത വഹി​ച്ചു. കല്ലുവാതുക്കൽ ഗ്രാമ പഞ്ചായത്ത് പ്രസിഡന്റ് എസ്. സുദീപ് ആദ്യ നിക്ഷേപം ഏറ്റുവാങ്ങി​. ബാങ്ക് ഭരണസമിതിയംഗം എസ്. ധർമ്മപാലൻ, ഗ്രാമ പഞ്ചായത്ത് അംഗം പ്രതീഷ് കുമാർ, ആർ. രാഗേഷ്, കാട്ടുപുറം ബാബു, വി.എസ്. രാജവല്ലി, സുധീർകുമാർ, പ്രമോദ്, രാജകൃഷ്ണ, ബി. കുഞ്ഞയ്യപ്പൻ, ബാങ്ക് സെക്രട്ടറി ജെ. രാജി എന്നിവർ സംസാരി​ച്ചു. അഡ്വ. ജി. രാജേഷ് സ്വാഗതവും പി.എം. രാധാകൃഷ്ണൻ നന്ദിയും പറഞ്ഞു.