കുണ്ടറ: പേരയം ഗ്രാമ പഞ്ചായത്ത് വാർഷിക പദ്ധതിയിൽപ്പെട്ട കേരകൃഷി പുനരുദ്ധാരണത്തിന്റെയും ചീര കൃഷി വിളവെടുപ്പിന്റെയും ഉദ്ഘാടനം പഞ്ചായത്ത് പ്രസിഡന്റ് അനീഷ് പടപ്പക്കര നിർവഹിച്ചു. കേര കൃഷി പുനരുദ്ധാരണ പദ്ധതി പ്രകാരം പഞ്ചായത്തിലെ 14 വാർഡുകളിലെയും തി​രഞ്ഞെടുക്കപ്പെട്ട കേരകർഷകരുടെ, രോഗം ബാധിച്ച തെങ്ങ് മുറിച്ചുമാറ്റാൻ തെങ്ങൊന്നിന് 1,000 രൂപയും തെങ്ങിൻതൈയും വളവും നൽകും. കൃഷി ഓഫീസർ സോണൽ സലിം, ആരോഗ്യ - വിദ്യാഭ്യാസ സ്ഥിരം സമിതി അദ്ധ്യക്ഷൻ ബി.സുരേഷ്, ക്ഷേമകാര്യ സ്ഥിരം സമിതി അദ്ധ്യക്ഷ വൈ. ചെറുപുഷ്പം, ഗ്രാമപഞ്ചായത്തംഗങ്ങളായ വിനോദ് പാപ്പച്ചൻ, റേച്ചൽ ജോൺസൺ, എൻ.ഷേർളി എന്നിവർ പങ്കെടുത്തു.