അഞ്ചൽ: അഞ്ചൽ ശബരിഗിരി ബി.എഡ് കോളേജിൽ അഞ്ച് ദിവസം നീണ്ടുനിൽക്കുന്ന കമ്മ്യൂണിറ്റി ലിവിംഗ് ക്യാമ്പിന് തുടക്കമായി. ക്യാമ്പിന്റെ ഉദ്ഘാടനം കേരള യൂണിവേഴ്സിറ്റി സിൻഡിക്കേറ്റ് മെമ്പർ രഞ്ചു സുരേഷ് നിർവഹിച്ചു. ശബരി ഗ്രൂപ്പ് ചെയർമാൻ ഡോ. വി.കെ. ജയകുമാർ അദ്ധ്യക്ഷനായി. വാർഡ് മെമ്പർ ജാസ്മിൻ മഞ്ചൂർ, സ്കൂൾ സെക്രട്ടറി ഡോ. ശബരീഷ് ജയകുമാർ, പ്രിൻസിപ്പൽ പ്രീതീ ചന്ദ്, ശബരിഗിരി ഹയർസെക്കൻഡറി സ്കൂൾ പ്രിൻസിപ്പൽ ശ്രീദേവി, അരുൺ ദിവാകർ, ക്യാമ്പ് കോഡിനേറ്റർ ജസീന, സ്റ്റാഫ് സെക്രട്ടറി ജി.എസ്. ഗോപിക തുടങ്ങിയവർ സംസാരിച്ചു. തുടർന്ന് 'മാനസികപിരിമുറുക്കം എങ്ങനെ കുറയ്ക്കാം' എന്ന വിഷയത്തെ ആസ്പദമാക്കി ഡോ. വി.കെ. ജയകുമാർ ക്ലാസെടുത്തു.