കിഴക്കേകല്ലട: സി.വി.കെ.എം ഹയർസെക്കൻഡറി സ്കൂളിലെ നാഷണൽ സർവീസ് സ്കീം യൂണിറ്റ് ചിറ്റുമലയിൽ പുസ്തകക്കൂടൊരുക്കി. ബസ് കാത്തിരിപ്പു കേന്ദ്രത്തോട് ചേർന്നാണ് പുസ്തകക്കൂട്. ബ്ലോക്ക് പഞ്ചായത്ത് പ്രസിഡന്റ് ശ്രീദേവി മോഹൻ ഉദ്ഘാടനം ചെയ്തു. നേരത്തെ കിഴക്കേ‌ കല്ലട പൊലീസ് സ്റ്റേഷനിൽ പുസ്തകക്കൂടൊരുക്കിയി​രുന്നു. പി.ടി​.എ പ്രസിഡണ്ട് കെ ശ്രീധരൻ അദ്ധ്യക്ഷത വഹിച്ചു. പ്രിൻസിപ്പൽ വി​. ലക്ഷ്മി സ്വാഗതം പറഞ്ഞു. ചടങ്ങിൽ ഈസ്റ്റ് കല്ലട ഗ്രാമ പഞ്ചായത്ത് ക്ഷേമകാര്യ സ്റ്റാൻഡിംഗ് കമ്മിറ്റി ചെയർമാൻ എ. സുനിൽകുമാർ, ഗ്രാമപഞ്ചായത്ത് അംഗം രതീഷ്, അജിത് പ്രസാദ്, സ്റ്റീഫൻ പുത്തേഴത്ത്, കൊച്ചാപ്പു, ഷാജി വെള്ളാപ്പള്ളി, ബിനിൽ, വ്യാപാരി വ്യവസായി ഏകോപന സമിതി കൺവീനർ ആന്റണി പാസ്റ്റർ, ഓട്ടോറിക്ഷ തൊഴിലാളി യൂണിയൻ നേതാവ് ഷിബു എന്നിവർ പങ്കെടുത്തു. ശാസ്താംകോട്ട ഡി.ബി കോളേജ് പ്രൊഫസർ ശശികുമാറാണ് പുസ്തകക്കൂട് സ്പോൺസർ ചെയ്തത്. എൻ.എസ്.എസ് വോളണ്ടിയർമാരുടെ ഫ്ലാഷ് മോബോഡുകൂടി​യാണ് ചടങ്ങ് ആരംഭിച്ചത്. പ്രോഗ്രാം ഓഫീസർ പി​. ബിജു നന്ദി പറഞ്ഞു.