കൊല്ലം: ജോയ് ആലുക്കാസ് ഫൗണ്ടേഷന്റെയും കേരള വാട്ടർ അതോറിട്ടിയുടേയും കൊല്ലം ജനമൈത്രി പൊലീസിന്റെയും സംയുക്താഭിമുഖ്യത്തിൽ ഇന്നലെ 'സേവ് വാട്ടർ, സേവ് ലൈഫ്' ജില്ലാതല കാമ്പയിൻ സംഘടിപ്പിച്ചു. കൊല്ലം ജനമൈത്രി പൊലീസ് നോഡൽ ഓഫീസറും അസിസ്റ്റന്റ് പൊലീസ് കമ്മിഷണറുമായ സോണി ഉമ്മൻ കോശി ഉദ്ഘാടനവും ലോഗോ പ്രകാശനവും നിർവഹിച്ചു.
കേരള വാട്ടർ അതോറിറ്റി സൂപ്രണ്ടിംഗ് എൻജിനീയർ സി.സജീവ് അദ്ധ്യക്ഷത വഹിച്ചു. വാട്ടർ അതോറിട്ടി എക്‌സിക്യുട്ടീവ് എൻജിനീയർമാരായ എ. സബീർ, റഹീം, രാജേഷ് ഉണ്ണിത്താൻ, കേരള വാട്ടർ അതോറിട്ടി എംപ്ലായീസ് യൂണിയൻ ജില്ലാ സെക്രട്ടറി കെ. ഹരികുമാർ എന്നിവർ സംസാരിച്ചു. ജോയ് ആലുക്കാസ് പി.ആർ.ഒ വിശ്വേശ്വരൻപിള്ള സ്വാഗതവും മാനേജർ അരുൺകുമാർ നന്ദിയും പറഞ്ഞു. ജോളി സിൽക്ക് അസിസ്റ്റന്റ് മാനേജർ സന്തോഷ് കുമാർ, ജോയ് ആലുക്കാസിലെയും ജോളി സിൽക്കിലെയും വാട്ടർ അതോറിട്ടിയിലെയും ജീവനക്കാരും കൊല്ലം ജനമൈത്രി പൊലീസ് ഉദ്യോഗസ്ഥരും ചടങ്ങിൽ പങ്കെടുത്തു.