പത്തനാപുരം : എസ്.എൻ.ഡി.പിയോഗം പത്തനാപുരം യൂണിയനിലെ മാലൂർ മേഖലയിൽ ഉൾപ്പെട്ട ശക്തി വിലാസം 744-ാം നമ്പർ ശാഖയുടെ വാർഷിക പൊതുയോഗവും ഭരണസമിതി തിരഞ്ഞെടുപ്പും അനുമോദനവും എസ്. എസ്. എൽ.സി, പ്ളസ് ടു വിദ്യാർത്ഥികൾക്കുള്ള അവാർഡ് വിതരണവും ഇന്ന് രാവിലെ 10മണിക്ക് ശാഖ മന്ദിരത്തിൽ നടക്കും. യൂണിയൻ പ്രസിഡന്റ് ആദംകോട് കെ. ഷാജി അദ്ധ്യക്ഷനാകും. യൂണിയൻ സെക്രട്ടറി ബി.ബിജു ഉദ്ഘാടനം ചെയ്യും.

ശാഖ സെക്രട്ടറി കെ. മോഹനൻ ശാഖയുടെയും രമണി ത്യാഗരാജൻ വനിതാ സംഘത്തിന്റെയും പ്രവർത്തന റിപ്പോർട്ടും വരവ് ചെലവ് കണക്കും അവതരിപ്പിക്കും. തുടർന്ന് ശാഖ യോഗം, വനിതാസംഘം, യൂത്ത്മൂവ്മെന്റ്, യൂണിയൻ വാർഷിക പ്രതിനിധി എന്നിവയുടെ തിരഞ്ഞെടുപ്പ് നടക്കും.

യൂണിയൻ വൈസ് പ്രസിഡന്റ് കെ. കെ. ശശീന്ദ്രൻ, യോഗം ഡയറക്ടർ ബോർഡ്‌ അംഗം എം. എം രാജേന്ദ്രൻ, യൂണിയൻ കൗൺസിലർ ബി. കരുണാകരൻ, യൂണിയൻ കൗൺസിലറും യൂത്ത്മൂവ്മെന്റ് യൂണിയൻ പ്രസിഡന്റുമായ റിജു. വി. ആമ്പാടി, യൂണിയൻ കൗൺസിലറും വനിതസംഘം യൂണിയൻ സെക്രട്ടറിയുമായ എസ്. ശശിപ്രഭ, യൂണിയൻ പഞ്ചായത്ത്‌ കമ്മിറ്റി അംഗം എസ്. ചിത്രാംഗദൻ വനിതാസംഘം യൂണിയൻ പ്രസിഡന്റ് സുലത പ്രകാശ്, യൂണിയൻ യൂത്ത്മൂവ്മെന്റ് സെക്രട്ടറി ബിനു സുരേന്ദ്രൻ എന്നിവർ സംസാരിക്കും. ശാഖ പ്രസിഡന്റ് ആർ. അജിത് കൃഷ്ണ സ്വാഗതവും നിയുക്ത പ്രസിഡന്റ് നന്ദിയും പറയും.