പത്തനാപുരം : എസ്.എൻ.ഡി.പി യോഗം പത്തനാപുരം യൂണിയനിലെ മാലൂർ മേഖലയിൽ ഉൾപ്പെട്ട 744-ാം നമ്പർ ചെളിക്കുഴി ശക്തി വിലാസം ശാഖയുടെ വാർഷിക പൊതുയോഗവും ഭരണസമിതി തിരഞ്ഞെടുപ്പും അനുമോദനവും എസ്. എസ്. എൽ.സി, പ്ളസ് ടു വിദ്യാർത്ഥികൾക്കുള്ള അവാർഡ് വിതരണവും ശാഖ മന്ദിരത്തിൽ നടന്നു. യൂണിയൻ പ്രസിഡന്റ് ആദംകോട് കെ. ഷാജി അദ്ധ്യക്ഷനായ യോഗം യൂണിയൻ സെക്രട്ടറി ബി.ബിജു ഉദ്ഘാടനം ചെയ്തു.

ശാഖ സെക്രട്ടറി കെ. മോഹനൻ ശാഖയുടെയും രമണി ത്യാഗരാജൻ വനിതാ സംഘത്തിന്റെയും പ്രവർത്തന റിപ്പോർട്ടും വരവ് ചെലവ് കണക്കും അവതരിപ്പിച്ചു. തുടർന്ന് ശാഖ യോഗം, വനിതാസംഘം, യൂത്ത്മൂവ്മെന്റ്,യൂണിയൻ വാർഷിക പ്രതിനിധി എന്നിവയുടെ തിരഞ്ഞെടുപ്പ് നടന്നു.

ഭാരവാഹികളായി അജിത് കൃഷ്ണ (പ്രസിഡന്റ്), എസ്. മുകേഷ്(വൈസ് പ്രസിഡന്റ്), എൻ. സാബശിവൻ(സെക്രട്ടറി), ശ്രീജ സലിം(യൂണിയൻ പ്രതിനിധി), പി രാജൻ, പ്രേംകുമാർ, ജി. പുഷ്പാംഗദൻ, ബി. വാസുദേവൻ, സി. സജു, നീതു പ്രവീൺ, ആർ. രാജൻ(കമ്മിറ്റി അംഗങ്ങൾ) സുമ ഷാജി, ഓമന രാജൻ, ബിന്ദു പ്രദീപ്(പഞ്ചായത്ത്‌ കമ്മിറ്റി അംഗങ്ങൾ) എന്നിവരെ തിരഞ്ഞെടുത്തു. യൂണിയൻ വൈസ് പ്രസിഡന്റ് കെ. കെ ശശീന്ദ്രൻ, യോഗം ഡയറക്ടർ ബോർഡ്‌ അംഗം എം. എം. രാജേന്ദ്രൻ, യൂണിയൻ കൗൺസിലർ ബി. കരുണാകരൻ, യൂണിയൻ പഞ്ചായത്ത്‌ കമ്മിറ്റി അംഗം എൻ. പി ഗണേഷ് കുമാർ, വനിതാസംഘം യൂണിയൻ പ്രസിഡന്റ് സുലത പ്രകാശ്, യൂണിയൻ യൂത്ത്മൂവ്മെന്റ് സെക്രട്ടറി ബിനു സുരേന്ദ്രൻ എന്നിവർ സംസാരിച്ചു. ശാഖ പ്രസിഡന്റ് ആർ. അജിത് കൃഷ്ണ സ്വാഗതവും വൈസ് പ്രസിഡന്റ് എസ്. മുകേഷ് നന്ദിയും പറഞ്ഞു.