തൃശൂർ: സംസ്ഥാന സ്‌പോർട്‌സ് കൗൺസിലിന്റെ കീഴിൽ വിവിധ ജില്ലകളിൽ പ്രവർത്തിക്കുന്ന സ്‌പോർട്‌സ് ഹോസ്റ്റലുകൾ, എലൈറ്റ്, ഓപ്പറേഷൻ ഒളിമ്പിയ സ്‌കീമുകളിലേക്ക് തൃശൂർ, പാലക്കാട് ജില്ലകളിലെ വിദ്യാർത്ഥികൾക്കായുള്ള സെലക്ഷൻ ക്യാമ്പ് മാർച്ച് ഏഴ്, എട്ട് തീയതികളിൽ തൃശൂർ കോർപറേഷൻ സ്റ്റേഡിയത്തിൽ നടക്കും. 2022-23 അദ്ധ്യയന വർഷത്തെ ഏഴ്, എട്ട്, പ്ലസ് വൺ, ഡിഗ്രി ഒന്നാം വർഷം എന്നീ ക്ലാസുകളിലേക്കുള്ള കായിക താരങ്ങളെയാണ് ക്യാമ്പിലൂടെ തിരഞ്ഞെടുക്കുക. ബാസ്‌കറ്റ് ബോൾ, സ്വിമ്മിംഗ്, ബോക്‌സിംഗ്, ജൂഡോ, ഫെൻസിംഗ്, ആർച്ചറി, റസ്ലിംഗ്, തയ്ക്വാണ്ടോ, സൈക്ലിംഗ്, നെറ്റ്‌ബോൾ, കബഡി, ഖോഖോ, കനോയിംഗ്, കയാക്കിംഗ്, റോവിംഗ്, ഹോക്കി, ഹാൻഡ്‌ബോൾ എന്നീ കായിക ഇനങ്ങളിലാണ് സോണൽ തല സെലക്ഷൻ നടക്കുക. അത്‌ലറ്റികസ്, ഫുട്ബാൾ, വോളിബാൾ എന്നീ കായിക ഇനങ്ങളിൽ ജില്ലാതല സെലക്ഷൻ നടത്തും.