ഗുരുവായൂർ: ഗുരുവായൂർ ദേവസ്വം കാവീട് ഗോശാലയിൽ ശുചീകരണ യത്നം നടത്തി. ദേവസ്വം അഡ്മിനിസ്ട്രേറ്റർ കെ.പി. വിനയന്റെ നേതൃത്വത്തിൽ ദേവസ്വം ജീവനക്കാരാണ് ഗോശാലയും പരിസരവും ശുചീകരിച്ചത്. അഡ്മിനിസ്ട്രേറ്റർ കെ.പി. വിനയൻ ശുചീകരണ യത്നം ഉദ്ഘാടനം ചെയ്തു. മാസത്തിലൊരു ദിവസം ശുചീകരണ ദിനമായി ആചരിക്കാൻ ജീവനക്കാർ സ്വമേധയാ തീരുമാനിച്ചതിനെ തുടർന്നായിരുന്നു ശുചീകരണം. ജീവധനം ഡെപ്യൂട്ടി അഡ്മിനിസ്ട്രേറ്റർ പ്രമോദ് കളരിക്കൽ, മാനേജർ വി.സി. സുനിൽകുമാർ, കാവീട് ഗോകുലം വെറ്ററിനറി ഓഫീസർ ഡോ. സി.ആർ. പ്രശാന്ത്, എൽ.ഐമാരായ പ്രസാദ്, ഇന്ദുലാൽ, ആരാധന എന്നിവർ പ്രവർത്തനങ്ങൾക്ക് നേതൃത്വം നൽകി.