കയ്പമംഗലം: കയ്പമംഗലം കുടുംബാരോഗ്യ കേന്ദ്രത്തിന് കീഴിൽ പുതുതായി നിർമ്മിച്ച ചളിങ്ങാട് ആരോഗ്യ ഉപകേന്ദ്രം നാടിന് സമർപ്പിച്ചു. ഉന്നത വിദ്യാഭ്യാസ വകുപ്പ് മന്ത്രി ആർ. ബിന്ദു ഉദ്ഘാടനം നിർവഹിച്ചു. ഇ.ടി. ടൈസൺ മാസ്റ്റർ എം.എൽ.എ അദ്ധ്യക്ഷനായി. ജില്ലാ പഞ്ചായത്ത് ക്ഷേമകാര്യ സ്റ്റാൻഡിംഗ് കമ്മിറ്റി ചെയർമാൻ പി.എം. അഹമ്മദ്, ബ്ലോക്ക് പഞ്ചായത്ത് പ്രസിഡന്റ് സി.കെ. ഗിരിജ എന്നിവർ മുഖ്യാതിഥികളായി. പഞ്ചായത്ത് പ്രസിഡന്റ് ശോഭന രവി, ജില്ലാ മെഡിക്കൽ ഓഫീസർ എൻ.കെ. കുട്ടപ്പൻ, ഡോ. യു.ആർ. രാഹുൽ, സന്തോഷ്, ഡോ. അനു ബേബി, സി.എസ്. സലീഷ്, ബീന സുരേന്ദ്രൻ തുടങ്ങിയവർ പങ്കെടുത്തു. സ്ഥലം സംഭാവന ചെയ്ത മുഹമ്മദ് കോഴിക്കാട്ടിലിനെയും, മാതൃകാ പ്രവർത്തനം നടത്തിയ കൊടുങ്ങല്ലൂർ ഡിവൈ.എസ്.പി സലീഷ് എൻ. ശങ്കരനെയും ചടങ്ങിൽ ആദരിച്ചു.

ആരോഗ്യ ഉപകേന്ദ്രം ഇങ്ങനെ

കാക്കാത്തിരുത്തി സ്വദേശി കോഴിക്കാട്ടിൽ മുഹമ്മദ് സൗജന്യമായി നൽകിയ നാല് സെന്റ് സ്ഥലത്ത് ഇ.ടി. ടൈസൺ മാസ്റ്റർ എം.എൽ.എയുടെ ആസ്തി വികസന ഫണ്ടിൽ നിന്നും അനുവദിച്ച 36.5 ലക്ഷം രൂപ വിനിയോഗിച്ചാണ് കെട്ടിടം നിർമ്മിച്ചിരിക്കുന്നത്. 1,286 ചതുരശ്ര അടിയിൽ രണ്ട് നിലകളിലായാണ് കെട്ടിടം പണിതീർത്തിരിക്കുന്നത്. താഴത്തെ നിലയിൽ ഡോക്ടേഴ്‌സ് റൂം, ഇമ്മ്യൂണൈസേഷൻ റൂം, നഴ്‌സിംഗ് റൂം എന്നിവയും, മുകളിലത്തെ നിലയിൽ ജീവനക്കാർക്ക് താമസിക്കാനായി രണ്ട് കിടപ്പ് മുറികളുള്ള ക്വാർട്ടേഴ്‌സുമാണ് നിർമ്മിച്ചിരിക്കുന്നത്.