ആറ്റിങ്ങൽ: യുക്രെയ്നിൽ പഠിക്കുന്ന ആറ്റിങ്ങൽ മണ്ഡലത്തിലെ വിദ്യാർത്ഥികളുടെ വീടുകൾ ഒ.എസ്.അംബിക എം.എൽ.എ സന്ദർശിച്ചു. കുന്നുവാരം സ്വദേശികളായ മിനിമോൾ, അഖില, ചാത്തമ്പറ സ്വദേശി കാർത്തിക, പഴയകുന്നുമ്മേൽ സ്വദേശികളായ അനുശ്രീ. ആർ.എസ്, ഐശ്വര്യ.ആർ.എസ്, പെരുമ്പള്ളി സ്വദേശി സച്ചിൻ ഭാസി, വെട്ടിമൺകോണം സ്വദേശി ആർദ്ര.ബി. അജിത്, ആറ്റിങ്ങൽ സ്വദേശി ഗൗരി, പുതുശ്ശേരിമുക്ക് സ്വദേശികളായ അക്തർ മുഹമ്മദ്, റഹ്മത്ത് മോൻ, അബുഷിഹാസ്, അബുഷിഫാൻ എന്നിവരുടെ വീടുകളാണ് ഇന്നലെ എം.എൽ.എ സന്ദർശിച്ചത്. നിലവിൽ ഇവർ സുരക്ഷിതരെങ്കിലും യുദ്ധക്കെടുതിയിൽ നിന്ന് ഇവരെ നാട്ടിലെത്തിക്കാൻ നോർക്കയുടെയും മറ്റ് അധികൃതരുടെയും സഹായം തേടിയതായി എം.എൽ.എ പറഞ്ഞു.