തിരുവനന്തപുരം: സംസ്ഥാനത്ത് ഇന്നലെ 1223 പേർക്ക് കൊവിഡ് സ്ഥിരീകരിച്ചു. ടെസ്റ്റ് പോസിറ്റിവിറ്റി 5.17ശതമാനം. 24 മണിക്കൂറിനിടെ 23,641 സാമ്പിളുകളാണ് പരിശോധിച്ചത്. 1107 പേർ സമ്പർക്കരോഗികളാണ്. 101 പേരുടെ ഉറവിടം വ്യക്തമല്ല. 12 ആരോഗ്യ പ്രവർത്തകരും രോഗബാധിതരായി. മൂന്നു പേരാണ് സംസ്ഥാനത്തിന് പുറത്ത് നിന്ന് വന്നത്. 24 മണിക്കൂറിനിടെയുണ്ടായ നാലു മരണങ്ങളും കഴിഞ്ഞദിവസങ്ങളിലെ 20 മരണങ്ങളും കൂടാതെ അപ്പീൽ നൽകിയ 59 മരണങ്ങളും പട്ടികയിൽ ഉൾപ്പെടുത്തി. 2424 പേർ രോഗമുക്തി നേടി.