കഴക്കൂട്ടം: മേനംകുളത്തെ സ്വകാര്യ സ്‌കൂൾ ബസ് മോഷ്ടിച്ച് കടത്തിയ കേസിലെ പ്രതികൾ അറസ്റ്റിലായി. തുമ്പ പള്ളിത്തുറ സ്വദേശി വിമോദ് (39), വലിയതുറ സ്വദേശി എഡിസൺ ജോസ് (42) എന്നിവരെയാണ് കഴക്കൂട്ടം പൊലീസ് അറസ്റ്റ് ചെയ്‌തത്. ശ്രീകാര്യം വെഞ്ചാവോട് സ്വദേശി പ്രതിഭാ മോഹന്റെ, മോഹൻ മെമ്മോറിയൽ സ്‌കൂളിന്റെ ബസാണ് കഴിഞ്ഞ മാസം മോഷണം പോയത്. മോഷ്ടിച്ച ബസ് വെട്ടുകാട് പള്ളിവക പാർക്കിംഗ് ഗ്രൗണ്ടിൽ നിന്ന് പൊലീസ് കണ്ടെടുത്തിട്ടുണ്ട്.
കോടതിയിൽ ഹാജരാക്കിയ പ്രതികളെ റിമാൻഡ് ചെയ്‌തു. കഴക്കൂട്ടം എ.സി.പി ഹരി.സി.എസിന്റെ നിർദ്ദേശാനുസരം കഴക്കൂട്ടം എസ്.എച്ച്.ഒ പ്രവീൺ.ജെ.എസിന്റെ നേതൃത്വത്തിലാണ് പ്രതികളെ പിടികൂടിയത്.